Сар бүрийн хоёр дахь долоо хоногт  болдог “Шинэчилж шийдье-222” уламжлалт хэлэлцүүлэг маргааш нийслэлийн Сонгинохайрхан дүүргийн Цамбагарав худалдааны төвийн гадаа талбайд болно. Энэ удаагийн хэлэлцүүлгийн сэдэв нь “Шинэ ургацын ногооны худалдаа”. Нийслэлийн дүүрэг бүрт 3-4 цэгт шинэ ногоо худалдаалах салбар цэгүүд ажиллах бөгөөд нийт ийм 28 цэг нийслэлийн хэмжээнд ажиллаж нийслэлчүүдэд ногоочдын гар дээрээс бүтээгдэхүүнийг нь шууд худалдан авах боломж олгож байгаа юм. Түүнчлэн  төмс, хүнсний ногоо, жимс жимсгэнэ тариаланчдын бүтээгдэхүүний борлуулалтыг дэмжих, улмаар нийслэлийн иргэдийг шинэ ургацын ногоо худалдан авах боломжоор хангах талаар энэ үеэр хэлэлцүүлэх юм. Д.Цэцэг