Хямралаас гарах гарц олохоор эдийн засагчид зөвлөлдлөө
2013-08-19

Тусгаар тогтнолын ордонд өнөөдөр Монгол Улсын эдийн засгийн өнөөгийн нөхцөл байдлын талаар асуудлаар үе үеийн эрдэмтэн докторууд болон удирдах албан тушаал хашиж байсан эрхмүүд зөвлөлдөж байна. Монголын тэргүүлэх зэргийн эдийн засагчид ийнхүү цуглан дугуй ширээний уулзалт хийж, эдийн засгийн өнөөгийн нөхцөл байдал, цаашид авах арга хэмжээ, гарах гарцын талаар ярилцах юм. Тэд уулзалтаас гарсан шийдвэрийг Засгийн газар, УИХ-д өргөн мэдүүлэх нь энэхүү уулзалтын зорилго аж.

Улс орны эдийн засгийн өнөөгийн нөхцөл байдлын талаар эдийн засагчид ингэж ярьж байна.

а

Эдийн засгийн ухааны доктор, МАН-ын ЭЗБХ-ны дарга Б.Очбадрах: Улсын төсөв 20-иод хувиар тасрах нь тодорхой боллоо

-Эдийн засгийн нөхцөл байдал ерөнхийдөө хүндхэн болчихлоо. 1.3 тэрбум долларын гадаад худалдааны алдагдалтай болж, гадны хөрөнгө оруулалт хоёр дахин багасчихлаа. Валютын ханш их хэлбэлзэж байна. Улсын төсөв 20-иод хувиар тасрах нь тодорхой боллоо. Нүүрсийг 35 сая тонноор экспортлоно гэж үзэж байсан. Гэтэл өнөөдөр дөнгөж 7 сая тонныг экспортлосон байна. Уул уурхайг хэт шүтэж, бусад салбараа олигтой хөгжүүлээгүйн хар гай гарч ирж байна.

э

Харин Засгийн газар 1.5 тэрбум долларын бонд авч, түүнийг эргэлдүүлснээр харьцангуй гайгүй байна. Гэхдээ бондын мөнгийг зөв зарцуулж, чадсан нь бас л эргэлзээтэй. Энэ их хөрөнгийг оруулж ирчихээд валютын ханшийг барьж чадахгүй байна гэдэг чинь эргэлзээтэй байна. Харин ч долларын ханш буурах ёстой байтал эсрэгээрээ өсчихлөө. Өнөөдөр Монгол банкинд нөөц байна уу, үгүй юу. Хоёр засгийн газар солигдож байхад Шинэчлэлийн Засгийн газарт 2.8 тэрбум долларын нөөцтэй хүлээлгэж өгсөн. Нэмээд 1.5 тэрбум доллар авсан. Тэр их мөнгө хаачсан, хэний гараар орсон талаар бид ярих ёстой.

э

Дээрээс нь цахилгаан болон усны үнийг нэмчихлээ. Энэ мэтээр УИХ-аар бодлогын түвшинд ярихгүйгээр суурь үнийг нэмж байгаа нь инфляцийг хөөрөгдүүлж байна. Энэ бүх асуудлын цаана бид ард түмний нуруун дээр хүнд ачааг нэмэхгүйгээр эдийн засгийн хямралаас яаж гарах асуудлаар ярилцах ёстой юм. Яаралтай УИХ-ын чуулган хуралдаж, эдийн засгийн асуудлаар ярилцах хэрэгтэй байна. УИХ, Засгийн газар, Монгол банк хамтарсан шийдвэр гаргах ёстой.

а

Эдийн засгийн ухааны доктор Н.Дашзэвэг: Чингис бондод хяналтын зөвлөл байх ёстой

-Ханшийн хэлбэлзэл маш их хүчтэй тусч эхэллээ. Юань хоёр сарын өмнө 230 байсан бол өнөөдрийн байдлаар 257 төгрөг болсон байна. Нэг юань 20-30 төгрөгөөр нэмэгдэх нь өнөөдөр наймаа хийж байгаа хүмүүсийг их алдагдалд оруулж байгаа юм.  Хоёрдугаарт улсын төсвийн орлого их хэмжээгээр тасарч байна. Ялангуяа нүүрсний экспорт үндсэндээ зогсчихлоо. Тэгэхээр энэ оны бүтээн байгуулалтын ажлууд тасрахаар харагдаж байна. Уул уурхай хүнд байдалтай байна. Гадны хөрөнгө оруулалт зогссон учраас ажилгүйдэл нэмэгдэж байна. Эдгээр нь эмх замбараагүй, тооцоогүй, мөнгийн нийлүүлэлт, хөрөнгө орлогыг хийж байгаа Засгийн газрын бодлоготой холбоотой. Засгийн бодлого цэгцтэй байж,  Монгол банкны бодлоготой уялдаж чадахгүй байгаатай холбоотойгоор энэ бүх асуудал үүслээ. Ханш өсч байгаа явдал бол цэвэр бодлогын алдаа. Бид юанийн ханшийг тогтвортой байлгах бүрэн боломжтой байсан. Монгол банк төгрөгөө юаниар солиод 2 тэрбум төгрөгийн юанийг Хятадын банкнаас авах эрхтэй байгаа. Өнгөрсөн хавар нэг тэрбум доллартай тэнцэх юанийг төгрөгөөр сольж аваад тэгээд 225 төгрөгөөр зарж байсан бол өнөөдөр юанийн ханш унахгүй байсан. Одоо яаралтай УИХ, үндэсний аюулгүй байдлын зөвлөл Засгийн газрын байр суурийг сонсох ёстой.

ө

Ялангуяа Эдийн засгийн хөгжлийн яам улс орны эдийн засгийн нөхцөл байдлыг юу гэж үзэж  байгаа, ямар шалтгаанаар ийм байдалд хүрэв обьектив сүбьектив шалтгаан нь юу байв, гарах арга зам, төлөвлөгөө, хөтөлбөрүүд юу байна гэдгийг тайлбарлах ёстой. Үүнтэй нэгэн зэрэг хөндлөнгийн эрдэмтэн, судлаачид, төрийн бус байгууллага, хувийн хэвшлийнхэн бас саналаа хэлэх ёстой. Үүнээс ойрын хугацаанд яаралтай авах арга хэмжээ болон дунд хугацаанд авах арга хэмжээнүүд гарна. Ингэвэл эдийн засгийн хүнд байдлаас амархан гарна. Хүндрэлээс гарах хамгийн эхний арга бол үр ашиггүй зардлаа багасгах ёстой.

э

Хэрэггүй зардлаа бууруулж, илүү дутуу зардлаа танах ёстой. Төсвийн албан хаагч нарын цалинг багасгадаг арга ч олон улсад байдаг. Засгийн газрын бондыг ямар ч техник эдийн засгийн үндэслэлгүй зүйлд үрж байна. Хатуугаар хэлбэл бондын үнэ 10 хувиар унасан байна. Тэгэхээр бондын мөнгийг АН-ын хэсэг компаниуд тендергүйгээр хуваагаад авчихлаа. Чингис бондод хяналтын зөвлөл байх ёстой. Хөндлөнгийн эрдэмтэн судлаачдыг оролцуулаад энэ асуудлаар өргөн хүрээнд ярих ёстой.

а

Эдийн засгийн ухааны доктор Ч.Хашчулуун: Засгийн газар татварын дарамтыг хийхгүй байх гэж найдаж байна

Бизнесийн орчны гажуудал манай улсыг хүнд байдалд оруулж байна гэж бодож байна. Бизнесийн орчноо сайжруулах хэрэгтэй байна. Зөвхөн улсын бондоор амьдрах юм бол хэцүү байдалд орно. 2012 онд хувийн хөрөнгө оруулалт нийт хөрөнгө оруулалтын 80 хувийг эзэлж байсан. Хувийн хөрөнгө оруулалт зогсчих юм бол энэ улс зогсонги байдалд орно. Төсвийн алдагдалтай, хөрөнгө оруулалт зогсчихоор татварын орлого нь орохоо больж байгаа юм. Тэгэхээр эргээд татвараа нэмэгдүүлэхээс айж байна. 2014 оны төсвийг батлах гэж байна. Тэгэхээр маш их хэмжээгээр татварыг нэмж магадгүй гэсэн айдас хүмүүсийн дунд байна.

о

Татвар нэмж болохгүй. Энэ бүх алдагдлыг татвар төлөгч нар үүрч болохгүй. Хэрвээ тэгэх бол хүнд байдалд орно. Тэгэхээр одоогийн Засгийн газар татварын дарамтыг хийхгүй байх гэж найдаж байна. Бид энэ асуудлаар нухацтай сайн ярилцах хэрэгтэй байна.

.

П.Наран

Shuud.mn
Сонин хачин
байр:
Энэ засгийн газар олдсон дээр нь үрээд өгий гээд мөнгөний ханшийг навсайтал нь унагаж байна да. 8%-ийн байрны зээлийг хүчээр барьж байгаа ч гэсэн эргээд байрны үнэ нэмэгдээд улам л мөнгөний ханшандаа нөлөөлөөд байх юм
2013-08-20
зөвлөгөө:
Дээр зардалаа багасга гээд байгаа дуракуудад гэж хэлэхэд багасгах юмгүй иргэдтэй байж битгий хуцаад байцгаа.. Үйлдвэрүүдээ дэмжие гэвэл хэрэглээг дэмжиж байж давдаг юм. Өлөн хоосон ард түмнээ хоолгүй хоно гэж байгаа юм уу? Харин тэрийнхээ оронд тэр даварсан ажилаа хийдэггүй 16 яам 160 000 төрийн албан хаагч нэртэй хүнд сурталтай хянадаг дарамталдаг бизнесүүдийг алдаг хүмүүсээ цөөлүүл яасан юм?
2013-08-20
Чинзориг:
яаж энэ байдал үүссэнийг сайн тодруулж өгөгдлөө олчихоод цаашид яах вэ ямар гарц байгаа гэдэг бодлогоо бодвол зүгээр санагадахын
2013-08-20
Зөвлөгөө:
Зардлаа багасгах нь үйлдвэрлэгч оронд бол бас үйлдвэр дампуурах эрсдэлтэй байдаг. Манайх бол импортлогч орон тул бидэнд ямар ч аюул байхгүй гэж бодож байна. Хамгийн сайн арга ард иргэд зардлаа багасгах
2013-08-20
ДОРЖОО:
ЗҮГЭЭР НЭГ ӨРХ АЙЛЫН ЖИШЭЭГЭЭР БОДООД ҮЗСЭН Ч ӨДӨР ӨДРӨӨР ХҮҮ ТООЦДОГ АСАР ИХ ХҮҮТЭЙ МӨНГИЙГ ЗӨВХӨН ГЭРИЙН ЭЗЭН ДУРААРАА ЯМАРЧ ХЯНАЛТГҮЙГЭЭР ШИЙДЭЖ ЗАРЦУУЛААД БАЙВАЛ ТЭР АЙЛ ЯАХ БИЛЭЭ. МОНГОЛЫН ЭДИЙН ЗАСАГ ХӨГЖИХ ЁСТОЙ АТАЛ НУРАЛТЫН ЗАМ РУУ ААЖМААР ОРЖ БАЙГАА НЬ ХҮЧЭЭР ЗАХ ЗЭЭЛИЙГ ЗОХИЦУУЛАХ ГЭЖ ТӨР ХЭТ ИХ САЛБАР ЭДИЙН ЗАСАГ РУУ ХУТГАЛДАЖ БАЙГААГИЙН ГАЙ. ЭНЭ БОЛ БАРИЛГЫН САЛБАР. АРИЛЖААНЫ БАНКУУДЫГ ИНГЭЖ ИНФЛЯЦЫН ТҮВШИНГЭЭС АНГИДААР ТОГТМОЛ ЗЭЭЛИЙН ХҮҮГЭЭР БАРИХ НЬ ЭРХЭМ ДОЛЛОРЫН ӨСӨЛТИЙГ ХӨӨРГӨЖ Э/З-Г ХЯМАРУУЛНА ГЭСЭН ҮГ. АРД ТҮМЭНДЭЭ САЙН НЭР ОЛОЖ АВАХ ГЭЖ Л БАЙГАА ЮМ БОЛ ЗАХ ЗЭЭЛИЙН ЗӨВ ГАРЦЫГ ХАЙХ ХЭРЭГТЭЙ АТАЛ ХЭТ ГАДНЫ ЗЭЭЛ ТУСЛАМЖИНД ДУЛДУЙДАН ХҮЧЭЭР Э/З-ИЙГ ӨРГӨХ ГЭЭД ҮНИЙН ХӨӨСӨРЛИЙГ БИЙ БОЛГООД БАЙХ НЬ АЛДАА ГЭХЭЭС ӨӨР ҮГ АЛГА.
2013-08-20
snooker:
Энэ Очбадрах бол МАН улс төр судлаач байхаа, эдийн засгийн ухааны хүн гэмээргүй санагдлаа... Нэг ч зөвөлгөө байхгүй.. Зөвхөн яаж муудсан гэсэн санаатай... Дашзэвэг гуйан ганц үг: үргүй зардлыг багасга... Хаш-гийн үгэнд ганцхан өдийгийн нөхцөлд татвар нэмэгдвэл асуудал улам хүндрэх... Тэгээд нэг ч нэмэртэй шуурхай арга хэмжээний талаар хэлсэн үг байхгүй... Нийтлэх хэрэг байсан юм уу үгүй юм уу?
2013-08-20
Dolgor:
Hemneechee tatvariin munguur toglood bgaa darga naraa tsuuluuch ee Oron too nemj taniluuddaa tatvariin mungu iluuchilhee yadaj boli Tootsoogui ger bul yamar bdag bilee Zasgiin gazar yag ene jishigt l bgaa shuu
2013-08-20
сануулгах:
өмнөх Засгийн газруудын ажлын үр дүн энэ дээ.
2013-08-20
Zowolgoo 3:
Ediin zasag hyamarna gedeg ireeduigee harj ajildagui humuusiin unen nuur tsarai umshuu dee. Yamarch asuudald, uchirah ersdlees sergiileh bariantgui nohduudiin aldaanuud ... tolowlogoo yuch alga, ersdliin hynaltch alga...
2013-08-20
Zowolgoo 2:
9. Ur dungui ajiliig bitgii turshij mongo ureed bai, Turshiad uztsen humuuseer hiilgeech. Yamar bayan uls baigaa bish. 10. Naad tosol mosoloo gadna todnii tolgoi siireg um hiideg humuusd mongiig n hanatal n ogood hiilgee... Oorsdoo chanargui um hiigeed bhiin. hedhen jiliin nastai umand mongoo hog bolgoj bhaar erguuleed hed dahin osoh umand hayaj suraldaa.
2013-08-20
Zowolgoo:
1.Undesnii uildweree demjih huuli garga, 2.Jijig dund businessd boditoi um hiigeech, 3.Tatwar nemseneer ulam dordono, Harin dotoodiin uildwerlegchidiin tatwariig esergeer bagasag, Jijig dund uildweriin tatwariig 5 jil tolohgui bolgo 4. Gadnaas awch bgaa baraa tawaariig dotooddoo uildwerleh companuudad uramshuulaliin system bii bolgo 5. Urgui zardalaa tana 6. 2,3 dagch bolowsoruulah uildwert naad bondiinhoo mongiig haya 7. tuuhiigeer bish, bolowsoruulah uildwerlel barih gadnii horongo oruulagchidad taatai sain nohtsol burduul 8. Yamduudaa daramtaldag bish, hors suuri, amisgalah agaar, amidarah orchin burduuleh chigleleer ajiluul.
2013-08-20
irgen:
manai ediin zasgiin "doctor"-uud gej ...haanaas avsan yum bol
2013-08-20
99999:
Ерөнхий сайд бондын мөнгөө дуусгасан бололтой.
2013-08-19
зочин:
Яанаа эдийн засаг дампуурч бгаа юм бна да. Луйварчдын өмнөөс татвар төлж жирийн иргэд ядуурна. Аймаар юм. Хөрөнгөтнүүдийн хөрөнгийг хураа
2013-08-19
naadam:
Tomoohon naadam hiij huushuur zaraad hymarliig daviya.
2013-08-19
ariuna:
hyumraad yuhav heregleegee bagasaga shunalaa dartsgaays
2013-08-19