2013-2014 оны хичээлийн шинэ жилийн нээлт төрийн болон төрийн бус өмчийн ерөнхий боловсролын бүх сургуулиудад 9 дүгээр сарын 1-ны ням гарагт болно. Энэ өдөр ерөнхий боловсролын сургуулиуд дараах хуваарийн дагуу сургалтын үйл ажиллагааг зохион байгуулна.  ЕБС-иуд   8⁰⁰-8⁴⁰ цаг хичээлийн шинэ жилийн нээлт,  9⁰⁰-9⁴⁰ цаг  “Монголын нууц товчоо” хичээл, 10⁰⁰-10⁴⁰ цаг: Монгол Улсын Ерөнхийлөгч Ц.Элбэгдорж "Хуулийн засаглал, хүүхдийн оролцоо" теле хичээл. Харин хүүхдийн цэцэрлэгүүд есдүгээр сарын 2-ны даваа гарагт хичээлийн шинэ жилийн нээлтээ хийж, үйл ажиллагаагаа эхлүүлэх юм. Ерөнхий боловсролын сургуулиуд 2-ны өдрөөс эхлэн хичээлийн хуваарийнхаа дагуу хичээллэх юм.  Д.Цэцэг