Ч.Сайханбилэг: Европын холбоо манайхаас мал аж ахуйн бүтээгдэхүүн экспортлох сонирхолтой байна
2013-09-10 14:20

Монгол Улс Европын холбооны хамтарсан XV хуралдаан Төрийн ордонд хуралдлаа. Хуралдаанаар хамтран ажиллах баримт бичгийг хэлэлцээд,  санамж бичигт хоёр тал гарын үсэг зурсан юм.  Хамтарсан хуралдааны талаар ЗГХЭГ-ын дарга,  Монгол Улс, ЕХ-ны хамтарсан хорооны Монголын талын дарга Ч.Сайханбилэгээс тодруулсан юм. Тэрээр”Монгол Улс Европын холбооны хамтарсан XV хуралдаан энэ онд Улаанбаатар хотноо зохион байгуулагдаж байна. Ирэх жил Брюссельд зохиогдоно. Манай улс хоёр их хөршөөрөө хүрээлэгдсэн. Бид гадаад бодлогодоо гурав дахь хөршийн талаар ярьдаг. Гурав дахь хөршийн тухай ярихад худалдааны эргэлт, явагдаж байгаа нөхцөл байдлаар нь авч үзэхэд Европын холбоо дөхөж очно гэж бид үздэг.

6

Өнөөдрийн хүрсэн төвшиндөө бид сэтгэл ханах болоогүй. Ялангуяа Европын холбоо татваргүйгээр 7000 гаруй нэр төрлийн барааг ямар нэг татварын дарамтгүйгээр  нийлүүлэх хөнгөлөлтийг Монгол Улсад үзүүлээд нэлээд хэдэн жил боллоо.Энэ тааламжтай нөхцлөө бид бүрэн дүүрэн ашиглах хэрэгтэй байгаа юм.Шинэчлэлийн Засгийн газрын зүгээс гадаадын хөрөнгө оруулагчдад үзүүлж байгаа нөхцөл, хуулийн шинэ зарчим,гадаадын хөрөнгө оруулагчдад нээлттэй бодлого, хөрөнгө оруулалт буурсантай холбоотой ханшны өөрчлөлт дээр энэ удаагийн хуралдаан эерэг нөлөө авчрах учир энэ удаагийн уулзалтын гол ач холбогдол оршиж байгаа юм. Бид тунхаглалын чанартай  асуудлаас гадна бодитой  зүйл дээр ярилаа. Хоёр тал хамтарсан мэдэгдэл дээр гарын үсэг зурлаа. Энэ жил Европын холбооны хоёр ч удирдлага Монголд айлчиллаа. Европын холбооны зүгээс хөдөө аж ахуй, тэр дундаа мал аж ахуйн гаралтай сүү, сүүн бүтээгдэхүүн, бяслаг зэрэг Монгол Улсын брэнд бүтээгдэхүүнийг стандартын дагуу үйлдвэрлэн экспортлох хүсэлтэй байгаа. Хэрвээ бид европ технологиор үйлдвэрлэн зах зээлд гаргаж чадвал  гэрэлтэй ирээдүй байгаа юм. Энэ чиглэлээр бид тодорхой арга хэмжээ авч ажиллана.

6

Н.Энх

 
Shuud.mn
Сонин хачин
hehe:
ene nohor chini importloh exportloh gedgiinhee yalgaag meddegui yamar bolovsroltoi hun be??' hoorhii dee zasag toriin terguud n iim gej bodohoor aimshigtai...ene chini ter talhni une medehgui garaas iluu hund garuu ugui yu.. ter talhni uniig bol zaaval medeh alba baihgui ter zaluugiin buruu bish.. avgai chavganz ajilgui ger sahij suudag hunii medeh estoi zuil gej bodoj bain
2013-09-10
íèéö¿¿ëýõ:
òýäíèé ºíäºð ñòàíäàðò øààðäëàãàä íèéö¿¿ëýõ ãýæ èõ ë àæèëëàõ õýðýãòýé áîëîõ íü äý
2013-09-10
Зочин:
Аливаа зүйлийг хилээ давуулж дотогш нь оруулахыг импортлох гэдэг байх аа. ЕХ манайхаас мал аж ахуйн бүтээгдэхүүнийг импортлох сонирхолтой байгаа гэж ойлгож болох уу. эсхүл манай улсад ЕХ бүтээгдэхүүн үйлдвэрлээд гуравд ахь орон луу экспортлох гэж багйаа юм уу. Аль нь байсан малаа эрүүлжүүлэх шаардлага тавгидана даа, эрхэм сайд аа
2013-09-10