Хойд Солонгос руу зэвсэг нийлүүлэхийг хориглов
2013-09-25 12:30

Хятад улс цөмийн зэвсгийг хөгжүүлэхэд хэрэг болохуйц зэвсэг, технологийн зарим хэрэгслүүдийг Хойд Солонгос руу нийлүүлэхийг хориглохоор болсон хэмээн Синьхуа агентлаг мэдээллээ. БНХАУ-ын худалдааны сайд Хойд Солонгос руу гаргаж болохгүй цөмийн болон пуужингийн эд ангид хэрэгтэй зүйлсийн жагсаалтыг албан ёсоор гаргасан бөгөөд нийлүүлэлтийг хориглох нь НҮБ-ын зүгээс Хойд Солонгост авах арга хэмжээг биелүүлэхэд тус болно гэж үзсэн гэнэ.

Шинжээчдийн үзэж буйгаар энэхүү шийдвэр нь БНХАУ, Хойд Солонгосын хоорондын харилцаанд сөргөөр нөлөөлөх магадлалтай гэж үзэж байгаа юм. Учир нь Хятад улс нь Хойд Солонгосын худалдааны хамгийн том хамтрагчийн нэг билээ. Хойд Солонгосын талаас зэвсэг нийлэхгүй гэх шийдвэрт ямар нэгэн хариу мэдэгдэл гаргаагүй гэдгийг Хятадын томоохон хэвлэлүүд онцолж байгаа.

Б.Дэлгэрцэцэг

Shuud.mn
Сонин хачин