Дуучин А.Түмэн-Өлзийгийн анхны бие даасан “Баясгалантай сайхан” уран бүтээлийн тайлан тоглолт энэ сарын 11-нд “Монгол бөхийн өргөө”-нд болно. Тэрээр өнөөдөр тоглолтын зохион байгуулагчдын хамт тоглолтынхоо тухай мэдээллийг сэтгүүлчдэд өглөө.
Дуучин А.Түмэн-Өлзий жилийн өмнөөс тоглолтынхоо бэлтгэлийг хийж эхэлжээ. Тэрээр “Би өнгөрсөн нэгдүгээр сараас эхлээд кино концерт гэх мэт тоглолтондоо зориулсан уран бүтээлүүдээ хийж эхэлсэн. Дээрээс нь кино жүжгийн дуунуудыг сэргээж дууллаа. Одоо бол бүх зүйл жигдэрч, бэлдсэн зүйлээ үзэгчиддээ хүргэх л үлдээд байна” гэж ярилаа.
Түүний тоглолтод өөрийнх нь 20 гаруй шинэ болоод хуучин уран бүтээл нь дуулагдах бөгөөд уртын дуугаа ч мөн дуулах аж.
Б.Буд
Уншиж байна |