Шинэ нисэх буудалд шаардлагатай мөнгийг төсөвт суулгаж өгөхийг хүсэв
2013-10-22

Хөшигийн хөндий дэх Олон улсын шинэ нисэх буудлын бүтээн байгуулалтын ажлын явцтай өчигдөр Ерөнхий сайд Н.Алтанхуяг, Засгийн газрын Хэрэг эрхлэх газрын дарга Ч.Сайханбилэг, Эдийн засгийн хөгжлийн сайд Н.Батбаяр болон Япон улсаас манай улсад суугаа Элчин сайд Шимизү Такэнори болон албаны хүмүүс танилцлаа. Энэхүү бүтээн байгуулалттай танилцах ажлыг даваа гариг бүрийн “Бүтээн байгуулалтын цаг” уулзалтын хүрээнд зохион байгуулсан юм.

.

Хөшигийн хөндий дэх Олон улсын шинэ нисэх буудлын бүтээн байгуулалтын ажлыг өнгөрсөн зургаадугаар сарын 12-нд эхлүүлсэн бөгөөд дөрвөн сарын хугацаанд барилга барих 2.8 сая ам метр талбайд хөрс хуулалтыг хийсэн аж. Энэ жилийн төлөвлөсөн ажлын 94 хувийг гүйцэтгэсэн. Бусад ажлын гүйцэтгэл 110 хувьтай, ирэх жилийнхээ төлөвлөгөөт ажлыг хийж эхлээд байгаа гэдгийг Олон улсын нисэх буудал байгуулах төслийн захирал Н.Энхбат танилцуулсан.

_

Өнөөдрийн байдлаар онгоц хөөрч буух зурвасын далангийн газар шорооны ажлыг гүйцэтгэж, ирэх жил бетон хучилт хийх бэлтгэл болон зорчигч үйлчилгээний барилга, нислэгийн хөдөлгөөний удирдлагын цамхагийн барилгын ажил хийгдэх юм байна. Эдгээр ажилтай Ерөнхий сайд танилцаад “Бодит ажил эхлээд 4 сар болж буй ч ажлын явц сайн байна. Энэ эрчээрээ үргэлжлүүлбэл Хөшигийн хөндий дэх бүтээн байгуулалтын ажил төлөвлөсөн хугацаандаа дуусах боломж байна” гэв.

.

Төслийн ажлыг Монгол, Япон, БНСУ, Англи, Филиппин зэрэг орны нийт 80 гаруй инженер, техникийн ажилтнуудын нэгтгэсэн удирдлага дор 700 орчим ажилчин хийж гүйцэтгэж байна. 180 гаруй машин техник ажиллаж байгаа аж.

.

Төслийн барилгын ажлыг гүйцэтгэхэд 49.5 тэрбум Япон иен зарцуулах бөгөөд төслийг Япон улсын хөгжлийн албан ёсны туслалцааны хөнгөлөлттэй зээлээр санхүүжүүлж байгаа. Энэ нь 0.2 хувийн хүүтэй, 40 жилийн хугацаатай, эхний 10 жилдээ зээлийн үндсэн төлбөрөөс чөлөөлөгдөх нөхцөлтэй зээл юм.

.

Шинэ нисэх буудал нь 2016 оны аравдугаар сард ашиглалтад орж, буудлын зорчигч үйлчилгээний барилга нь жилдээ гурван сая зорчигч хүлээн авах хүчин чадалтай орчин үеийн стандартаар тоноглогдох аж. Энэхүү нисэх буудал нийт 30 орчим барилгаас бүрдэх юм. Үүнээс Ачаа шуудан тээврийн үйлчилгээний барилга, Захиргааны барилга, Нисэх буудлын газрын үйлчилгээний барилга гэсэн гурван барилгад шаардлагатай  төсвийг ирэх оны төсөвт суулгах юм бол шинэ нисэх буудал товлосон хугацаандаа ашиглалтад орно. Тодруулбал, 1180 хоногийн дараа Хөшигийн хөндийд шинэ нисэх буудал сүндэрлэнэ гэж төсөл хэрэгжүүлэгдийн зүгээс танилцуулж байв.

Мөн Яармаг-Нисэхийн уулзвараас Хөшигийн хөндий хүртэл 37.7 хурдны зам барих ажлыг Монголын талаас цаг алдалгүй эхлүүлэх шаардлагатай гэдгийг мөн хэлж байв.

П.Наран
Shuud.mn
Сонин хачин
Good luck Japan!:
Япон хүмүүс ажлын багт нь байгаа бол чанартай, эдийн засгийн үр өгөөж өндөр, бас хүний хэрэгцээг бүх талаар нь шийдсэн сайхан зүйл босох нь. Япон хүмүүс бидэнд чи сэтгэлээсээ сайн шүү. Манай дүү, манай найз, би өөрөө ч Япон хүмүүс бидэнд ямар зүрх сэтгэлээрээ дотно ханддагийг мэднэ. Биднийг хуурчихая, дундаас нь илүү ашиг олно нтар гэж үнэхээр боддоггүй манай улсаас эргүүлж тус, хариу нэхэлгүй чин үнэнээрээ тусалдаг цор ганц улс шүү. Амжилт хүсье залуусаа.
2013-10-22
tamir:
ЗХУ болон ОХУ, СНГ-д 5 жил суралцаж төгссөн хүмүүс ОХУ-ын Магистрийн гэрчилгээ нөхөн олгож байна. Международная комиссия по признанию и эквивалентности учебных курсов, документов об образовании оформляет и выдаёт выпускникам высших учебных заведений бывшего СССР, России и других государств СНГ, а также обладателям ученых степеней сертификаты на русском и английском языках, свидетельствующие о соответствии полученных образования и квалификаций, или присуждении учёной степени международно-признанным нормам (бакалав, магистр, холбоо барих хаяг: tamir46@bk.ru tamir46@yahoo.com
2013-10-22
1111:
Амжилт хүсье Япончуудын хийсэн ажил үнэхээр өгөөжтэй шүү
2013-10-22
шууд сайн байна:
танай сайт л бодит зурагтай мэдээ тавьж иргэдэд сайхан бүтээн байгуулалтын мэдээг хүргэж байгаад баярлалаа харин төсөвт мөнгө суулгаж өгөхийг хүсэв гэдэг нь ойлгомжгүй болоод явчихлаа ийм сайн ажлын хөрөнгийг төсөвт суулгаагүй байгаа бол засаг муу ажиллаж байна гэсэн үг мөх хурдны замыг япончуудаар чанартай хурдан бариулбал дээр дээ тэд нарны зам шиг сайхан зам барих болно
2013-10-22