Хэнтий аймгийнхан өнөөдөр аймгийн төв Өндөрхаан хотоо “Чингис хаан хот” болсныг зарлах аж. Энэ талаар тус аймгийн ИТХ-ын дарга С.Пүрэвжаваас тодруулахад “Манай улсад их хаан Чингис хааны алдраар нэрлэсэн нэгэн хот байх нь зүйд нийцнэ. Ялангуяа төрт ёс, түүхэн уламжлалт зан заншлаа дэлхийн соёлын өвд өөрийн нэрээр мөнхлөхийн төлөө улам өрсөлдөх болсон өнөө цагт энэ нь хойшлуулшгүй шийдвэрлэвэл зохих асуудлын нэг мөн болов уу. Тиймээс өнөөдөр манай аймгийн Иргэдийн хурлын төлөөлөгчид хүндэтгэлийн чуулганыг зохион байгуулж, Өндөрхааныг "Чингис хаан хот” болгосноо албан ёсоор зарлана. Хэнтий аймгийг Чингис хот болгох санал асуулгыг манай аймгийн ард иргэд 100 хувь дэмжсэн” гэв.
Ямартаа ч, Тус аймгийн удирдлагууд ашигт малтмал бус аялал жуучлалаас мөнгө босгохоор төлөвлөж. Тиймээс ч түүхэн дурсгалт газруудаар аялал жуулчлалын маршрут гаргаж, жуулчдыг татах бүс болгох ажлыг эхлүүлсэн байна.
Б.Одон
Уншиж байна |