Зургаа дахь удаагийн Төрийн Дум санал зөрөлдөөнд живэх ёсгүй. Учир нь "Нэгдсэн ОУ" гэсэн хүчирхэг бүлгийг түүнд байгуулах болно гэж ОХУ-ын Ерөнхийлөгч Дмитрий Медведев өчигдөр орой мэдэгдлээ. Тэрээр өчигдөр орой сонгуулийн анхны дүнг зарласны дараа үг хэлэхдээ "Нэгдсэн Орос улс Төрийн Думд эвсэлд багтах болж байна. Энэ бол зөв зүйл бөгөөд ардчиллыг бэхжүүлж байна" хэмээн мэдэгдсэн юм. Д.Медведев парламентын сонгуульд эрх баригч "Нэгдсэн ОУ" намын нэрсийн жагсаалтыг тэргүүлсэн байна. Хаашаа ч эргэж мэдэх сонгуулийн "салхи" ийнхүү өөр рүү нь салхилсанд баяртай байгаа Ерөнхийлөгч Д.Медведев, Ерөнхий сайд В.Путин нар "Нэгдсэн ОУ" намын төв байранд хамтдаа очиж сонгуулийн дүнг сонссон байна.