ОХУ-ын гадаад хэргийн сайд Сергей Лавров Украины өнөөгийн асуудал болон АНУ-ын түрэмгий шийдвэрийн талаар хэвлэлийнхэнд мэдээлэл өгчээ. Тэрбээр “Украины өөрийн эзэмшил гэж нэрлээд байгаа Крым бол ОХУ-ын газар нутаг байсаар ирсэн. Украины хямралтай холбоотойгоор АНУ-ын Оросуудад хандсан хорио цээр болон хүч түрэмгийлсэн үйлдэл нь нийгэмтэй тэрсэлдэж буй учир хариу арга хэмжээ авахаа мэдэгдэж байна. ОХУ-ын тал Крымд амьдарч буй орос иргэдийн эрх ашгийг хамгаалах нэрээр тус бүс нутагт цэрэг оруулах шийдвэр гаргасныг АНУ-ын Ерөнхийлөгч Барак Обама хүчтэй шүүмжилж, ОХУ-ын эдийн засагт хохирол учруулахуйц арга хэмжээ авах болно гэж мэдэгдсэн нь ОХУ-ын нэр хүндийг унагаасан хэрэг болсон. ОХУ цэргийн ажиллагаа бус энх тайван байдал тогтоохоор Крымд цэрэг нэвтрүүлсэн гэдгийг сануулж байна” гэж мэдэгджээ.
1
АНУ зүгээс оросын иргэдэд виз олгохгүй байх шийдвэрийг гаргаад байгаа. АНУ-ын энэ үйлдлийг бодлогогүй хэмээн Сергей Лавров тодотгоод, хоёр орны харилцаанд сэв суулгах эрсдэлтэй алхам хийж буйд харамсч буйгаа мэдэгджээ. Лавров мэдэгдлийнхээ төгсгөлд “Крым бол Оросын газар нутаг болохоос АНУ-ынх биш” хэмээн хэлжээ.
1
Б.Дэлгэрцэцэг