ОХУ-ын гадаад хэргийн сайд Сергей Лавров Украин болон Крымийн асуудлаар АНУ-д айлчаад буй. Тэрбээр өчигдөр “APF” агентлагт ярилцлага өгчээ. Энэхүү ярилцлагыг хүргэж байна.

:

-Сүүлийн мэдээнээс яриагаа эхлье. Өчигдөр Крымийн Засгийн газар “Орост нэгдэх үү, Украинд нэгдэх үү” гэх асуудлаар нээлттэй санал хураалт явуулж өндөрлөсөн. Крымийн ихэнх иргэн Орос гаралтай учир Крым ямар ч асуудалгүй Оросын харъяанд буцаад орох нь тодорхой?

-Украины нөхцөл байдалтай холбогдуулан Орос Крымд тодорхой шаардлага дээр үндэслэн цэргээ хил давуулсан. Та бүхэн мэдэж байгаа ОХУ-ын Ерөнхийлөгч болон Засгийн газрын тэргүүн, Төрийн Думын гишүүд бүгд Украины хууль ёсны Ерөнхийлөгчийг Виктор Янукович гэж үзэж, шинээр бүрэлдэн тогтсон Засгийн газрыг эсэргүүцэж байгаа. Крымд бүх нийтийн санал асуулга явуулах эсэх нь ОХУ-ын дарамт бус Крымийн Засгийн газраас гаргасан шийдвэр. Энэхүү санал хураалтын үр дүн ямар ч гарсан Орос Крымтэй цаашдын харилцаагаа Украинаас хамааралгүйгээр шийдвэрлэх болно.

.

-Украины шинэ Засгийн газар Орост хориг арга хэмжээ авахын тулд НҮБ, АНУ болон Европын холбооноос тусламж хүсч байгаа. Энэ талаар?

-Украины дотоод асуудалд оролцох нь хөрш орны зайлшгүй хийх алхам. НҮБ, Европын холбооноос ямар ч шаардлага ирсэн ОХУ-ын Засгийн газар хүлээн авах болно. Харин АНУ, Орост үзүүлж буй шууд бус дарамтыг өдөөн хатгасан явдал хэмээн үзэж байна. АНУ-ын Ерөнхийлөгч Барак Обама Орост ямар ч арга хэмжээ авсан бид хариу арга хэмжээ авах болохоо мэдэгдэж байна. Украины өөрийн эзэмшил гэж нэрлээд байгаа Крым бол ОХУ-ын газар нутаг байсаар ирсэн. Украины хямралтай холбоотойгоор АНУ-ын Оросуудад хандсан хорио цээр болон хүч түрэмгийлсэн үйлдэл нь нийгэмтэй тэрсэлдэж буй учир хариу арга хэмжээ авахаа мэдэгдэж байна.

.

-Та болон АНУ-ын Төрийн нарийн бичгийн дарга Жон Керри Крымд болох санал хураалтын талаар хаалттай уулзсан ч тодорхой шийдэлд хүрээгүй?

-Крымийн бүх нийтийн санал асуулгын талаар Москва Вашингтонтой зөвшилцөхөд бэлэн биш. Кремль хойгийн оршин суугчдын хүсэл эрмэлзлэлийг хүндэтгэх болно. АНУ-д энэ асуудалд оролцохгүй байхыг хүсч байна. Украины зүүн өмнөд бүсэд нэвтрэх төлөвлөгөө байхгүй. Фолклэндийн арлууд Их Британид ямар чухал байдгаас ч илүү ОХУ-д Крым маш чухал.

.

-Өнгөрсөн 14-нд Украины Засгийн газрын тэргүүн Арсений Яценюк НҮБ-ын хуралд оролцож, ОХУ-ын түрэмгийллийг сааруулахыг хүссэн?

-Нэг үгээр хэлэхэд, шууд бусаар өдөөн хатгаж, Европ болон олон улсад Оросын нэр хүндийг унагаасан зүйл болсон. Өөрийгөө шинэ Засгийн газрын тэргүүн гэж нэрийдээд байгаа Арсений Яценюкийг ямар ч асуудлын талаар ярьсан бай Орос хүлээн зөвшөөрөхгүй. Яагаад гэвэл Орос Виктор Януковчийн Засгийн газрыг хүчинтэй, хууль ёсных гэж үзэж байгаа.

.

-Арсений Яценюк АНУ-ын Ерөнхийлөгч Барак Обаматай уулзаж, дэмжлэг авах тухайгаа мэдэгдэж, хамтран ажиллах тухайгаа дуулгасан?

-Би хэлсэн. Арсений Яценюк гэх нөхөр Оросын талаар юу гэж ярих нь гол биш. ОХУ-ын тал Крымд амьдарч буй орос иргэдийн эрх ашгийг хамгаалах нэрээр тус бүс нутагт цэрэг оруулах шийдвэр гаргасныг АНУ-ын Ерөнхийлөгч Барак Обама хүчтэй шүүмжилж, ОХУ-ын эдийн засагт хохирол учруулахуйц арга хэмжээ авах болно гэж мэдэгдсэн нь ОХУ-ын нэр хүндийг унагаасан хэрэг болсон. ОХУ цэргийн ажиллагаа бус энх тайван байдал тогтоохоор Крымд цэрэг нэвтрүүлсэн гэдгийг сануулж байна.

.

-Украины Ерөнхийлөгчийн үүрэг гүйцэтгэгч Александр Турчынов Ерөнхийлөгч Путинд анхааруулага өгч, Украины хилээр Оросын арми болон цэрэг нэвтэрсэн тохиолдолд хариу арга хэмжээ авахаа мэдэгдсэн?

-ОХУ-ын арми нэвтрэх эсэх нь Александр Турчыновын шийдэх асуудал биш.

_

-ОХУ-ын Засгийн газар Крымийг өөрийн эзэмшил хэмээн үзэж байгаа юу?

-Тийм. Крым бол Оросын газар нутаг.

_

-Украины хууль ёсны Ерөнхийлөгч гэгдэж буй Виктор Янукович хэзээ эх орондоо ирэх бол?

-/Хариулсангүй/

_

-Украин одоо яах бол?

-Эхлээд Ерөнхийлөгч Виктор Януковичийг өмнөх байр сууринд нь тавих хэрэгтэй. Энэ бүх эсэргүүцлийн жагсаал, өдөөн хатгасан үйлдлээ зогсоох нь хамгийн оновчтой алхам. Дараа нь эдийн засгийн асуудлаа нухацтай авч хэлэлцэх хэрэгтэй.

_

-“G8” буюу “Их найман” гүрнээс ОХУ-ын хассан. “G7”-оос хасагдсан нь Орост ямар байдлаар нөлөөлөх вэ?

-Ямар ч байдлаар нөлөөлөхгүй. Гадаад харилцаа болон эдийн засагт ямар ч дарамт учруулахгүй.

.

Б.Дэлгэрцэцэг