Нийслэлд үйл ажиллагаа явуулж байгаа албан газар, аж ахуйн нэгж байгууллагууд өөрийн эзэмшилд байгаа 50 метр хүртэлх нийтийн эзэмшлийн зам талбайд ногоон байгууламж, тохижуулалт хийж, цэвэрлэх үүрэгтэй байдаг.
Гэтэл энэ үүргээ биелүүлж байгаа байгууллага цөөхөн байдаг. Тиймээс Нийтийн үйлчилгээний Улаанбаатар нэгтгэлийн захирлын тушаалаар ААНБ-уудад хугацаатай мэдэгдлийг өгчээ. Уг мэдэгдэлд, “Аливаа иргэн, ААНБ-ууд өөрсдийн эзэмшил, ашиглалтад байгаа газар болон орчны 50 метр хүртэлх нийтийн эзэмшлийн зам талбайг тохижуулж, цэвэрлэгээг тогтмолжуулах, эзэмшил талбайдаа ногоон байгууламж байгуулж, арчилгаа, цэвэрлэгээ, усалгааг тогтмол хийж гүйцэтгэх үүрэгтэй. Мөн өвлийн улиралд цас , мөсийг тухай бүр арилган, хальтиргаа гулгаа үүсгэлгүйгээр, иргэдийн тав тухтай амьдрах орчин нөхцлийг бүрдүүлж ажиллах үүрэгтэйг НИТХ-н 61-р тогтоолоор заасан байдаг. Тиймээс нийгмийн үүргээ гүйцэтгээгүй ААНБ-ын үйл ажиллагаа явуулах зөвшөөрлийг нь цуцлах хүртэл арга хэмжээ авна” гэжээ.
Түүнчлэн иргэд гадна тохижилтын ажлаа хийхгүй байгаа байгууллагын гаднах орчны зургийг нь авч баталгаажуулаад Нийтийн үйлчилгээний Улаанбаатар нэгтгэлд мэдэгдэх боломжтой юм.
.
Ж.Мөнхзул
Уншиж байна |