М.Уранцэцэг “Их дуулга”-ын аварга боллоо
Азербейжан улсын Баку хотноо жүдогийн аварга шалгаруулах “Их дуулга” гран при тэмцээн өчигдөр эхэлсэн. Энэхүү тэмцээнд манай улсын эрэгтэй тав, эмэгтэй хоёр бөх зодоглож байгаа билээ. Эмэгтэйчүүдийн 48 кг-ын жинд хүч үзсэн МУГТ, Дэлхийн аварга М.Уранцэцэг түрүүлж, Бакугийн “Их дуулга”-ын аварга боллоо.
а
Харин эмэгтэйчүүдийн 57 кг-д зодоглосон А.Цолмон өрсөлдөгчдөө цэвэр ялагдаж тэмцээнээ дуусгасан бол эрэгтэйчүүдийн 60 кг-д барилдсан Г.Хэрлэн хэсгийн аваргын төлөөх болон дагах барилдаанд мөн ялагдснаар тэмцээнээ дуусгасан.
а
Өнөөдөр хүнд жингийн бөхчүүд барилдах ба эрэгтэйчүүдийн 73 кг-д МУГТ Х.Цагаанбаатар, 100 кг-ийн ангилалд МУГТ Н.Түвшинбаяр нар барилдана. Энэхүү тэмцээнд 41 орны эрэгтэй, эмэгтэй 247 бөх зодоглож, хурд, хүч, авхаалж самбаагаа сорьж байгаа юм.
Б.Буд
СЭТГЭГДЭЛ БИЧИХ