ОХУ-ын Ерөнхийлөгч В.Путин Крымд хоёр өдрийн айлчлалаа эхлүүлсэн тухай “www.kiyvpost.com” мэдээллээ. Путинийг дагалдаж Ерөнхий сайд Дмитрий Медведев, Думын дарга Сергей Нарышкин, Батлан хамгаалахын сайд Сергей Шойгу болон Төрийн Думын 12 гишүүн иржээ. Энэхүү айлчлалын хүрээнд Холбооны аюулгүйн зөвлөлийн гишүүдийн шуурхай хурал Крымийн нийслэл Севастополь хотод болно гэж Путиний хэвлэлийн төлөөлөгч Дмитрий Песков мэдэгдэв.
5
Ерөнхийлөгч Путин өнөөдөр Крымийн иргэдтэй уулзаж, тулгамдаж буй цаг үеийн асуудлаар ярилцахаар болжээ. Тус уулзалтад Ерөнхий сайд Д.Медведев болон Думын дарга Сергей Нарышкин оролцох юм.
5
Путиний Крымд хийх айлчлал ирэх сард болох байсан ч тодорхойгүй шалтгаанаар хугацаагаа урагшлуулсан байна. Путиний хувьд Крымд хоёр дахь удаагаа ирж байна. Тэрбээр өнгөрсөн гуравдугаар сард Украинаас салж, ОХУ-ын бүрэлдэхүүнд нэгдсэний дараа Крымд Ерөнхий сайд Медведевийн хамт таван цаг саатсан билээ.
5
Б.Дэлгэрцэцэг
Уншиж байна |