Зургаан жилийн өмнөх энэ өдөр Монголчууд түүхэндээ анх удаа олимпийн аваргатай болж байжээ. Тэр өдөр бүх монголчууд “Бид олимпийн аваргатай боллоо” хэмээн баярлаж, бахархаж, уйлж, дуулж байсан билээ.

х

“Бээжин-2008” зуны XXIX олимпийн наадмын жүдо бөхийн -100 кг-ийн эрэгтэйчүүдийн төрөлд Монгол Улсын бөх, ОУХМ Найдангийн Түвшинбаяр, Казахстан Улсын бөх А.Зиткийг ялж Олимпийн аварга болсон. Ийнхүү тэрбээр Монгол Улсын алтан соёмбот далбаагаа Бээжингийн тэнгэрт мандуулж, эх орныхоо төрийн дуулалыг эгшиглүүлж, элэг нэгтнүүдээ баярлуулж байсан. Хүүгийнхээ төлөө залбирч байсан, Монгол түмнийг заяа түшиж бид анхны олимпийн алтан медальтантай болсон билээ.

х

Монголчуудад их ялалтыг авчирч, бахархалыг нь сэргээсэн, Монгол Улсын түүхийн хуудаснаа алтан үсгээр бичигдэх үйлстэн, Олимпийн аварга Н.Түвшинбаярт баярын мэнд хүргэе.

х

Б.Бэхи