Хүн амын эрүүл мэндийн боловсролд бодитой хувь нэмэр оруулах, эрүүл мэндийн салбарын бүх чиглэлийг хамарсан мэдээ мэдээллийг цаг тухайд нь бодитоор хүргэх зорилгоор байгуулагдаж буй www.emch.mn сайтын албан ёсны нээлтийн үйл ажиллагаа тун сайхан болж өндөрлөлөө. Нээлтэд Эрүүл мэндийн сайд асан, Этүгэн дээд сургуулийн Удирдах зөвлөлийн дарга, доктор, профессор Б.Батсэрээдэнэ, Эрүүл мэндийн дэд сайд Ж. Цолмон, ЭМШУИС-ийн АУС-ийн захирал Р.Отгонбаяр, www.emch.mn сайтын захирал М.Даваабат,  ЭМЯ-ны Мэдээлэл, хяналт-шинжилгээ, үнэлгээний газрын дарга Д.Жаргалсайхан, Гурван гал эмнэлгийн захирал Г. Пүрэвсүрэн, Этүгэн дээд сургуулийн захирал, Академич С.Нямзагд, Баянгол эмнэлгийн захирал М.Сүхбаатар, Happy veritas эмнэлгийн захирал Ж.Амарсанаа, Түмэншанд эмнэлгийн зөвлөх эмч А. Базаррагчаа, Монгол эм импекс концерны захирал Б.Болормаа, Герентологийн төвийн захирал Р.Оюунханд болон бусад эрүүл мэндийг дэмжигч бизнесийн байгууллагуудын захирал төлөөлөгчид оролцсон юм. Нээлтэнд зориулж Сонгино хайрхан дүүргийн эрүүл мэндийн нэгдлийн хүүхдийн түргэний эмч Б.Хангал ‘’Эмч хүн жаргалын ээж’’, ‘’Эмчийн алдар’’ дуугаараа ая өргөлөө.