ШӨХТГ-аас өнөөдөр цаг үеийн асуудлаар мэдээлэл хийлээ. Тус газраас өнгөрөгч хавар иргэдийн гомдлын дагуу арилжааны банкуудад шалгалт хийсэн. Шалгалтаар арилжааны банкууд иргэдийг зээл авахад 0.25-1 хувийн шимтгэл авдаг. Мөн 1000-40000 төгрөгийн хураамж авч буйгаа үйл ажиллагааны зардал гэж тайлбарлажээ.
а
Энэ нь Өрсөлдөөний тухай хуулийг зөрчиж буй тул ШӨХТГ-аас арилжааны банкуудыг уг үйл ажиллагаагаа болиулах албан шаардлага хүргүүлсэн ч банкууд шүүхэд хандаад байгаа билээ. Шүүх хурал энэ сарын 15-ны өдөр болох тов гарчээ.
а
Мөн ШӨХТГ-тай холбоотой есөн асуудал шүүхийн шатанд байгаа ба нэр бүхий шүүгчид шударга бус ажиллаж, мөнгөтэй хүмүүсийн талд шийдвэр гарган, ажил удаашруулж байна гэж тус газрын дарга О.Магнай мэдээлэв. Тэрбээр “Анхан шатны шүүхийн н.Лхагвасүрэн, н.Эрдэнэчимэг, н.Оюунгэрэл, н.Батзориг, н.Адьяасүрэн, Давж заалдах шатны шүүхийн н.Тунгалагсайхан, н.Зоригтбаатар, н.Хонинхүү, н.Цогт, н.Энхмаа, н.Батбаатар, н.Халиунбаяр болон Дээд шүүхийн Хяналтын шатны захиргааны хэргийн танхмын н.Зандраа, н.Сумъяа, н.Атарцэцэг, н.Батсүрэн, н.Тунгалаг, н.Мөнхтуяа, н.Цэцэгээ гэж шүүгчид зохион байгуулалттайгаар манай байгууллагын буюу хэрэглэгч, олонхын эсрэг шийдвэр гаргасан. Барилгын метр квадратын зөрүүгээр иргэдийг хулхидсан “Тайгам Алтай” компанитай холбоотой асуудлыг тэдний илт хууль бус нэхэмжлэлийг асуудал болгож тавьсаар дөрвөн сарын турш явуулчихаж байгаа юм. Би энэ шүүгчдийг авлига авсан гэж хэлээгүй. Гаргаж байгаа шийдвэр нь үнэхээр зохион байгуулалттай юм шиг сэтгэгдэл төрүүлэхүйц байсан. Ялангуяа “Тайгам Алтай”-ын асуудлыг онцолж хэлмээр байна. Шүүхийн ёс зүйн хороонд хоёр удаа хандсан ч даргынх нь ирүүлсэн хариу бичгээс шүүгчдийн ёс зүйн асуудалд өөрчлөлт оруулах хүсэл эрмэлзлэл харагдаагүй. Тиймээс нийгэмд энэ нэрийг хэлснээр өөрсдийн дараа дараагийн үйлдэлд дүгнэлт хийх байх гэж бодож байна” гэлээ.
а
Б.Буд