Хамгийн урт дугуйн зам Эрдэнэтэд нээлтээ хийлээ
2014-10-20 09:30

“Эрдэнэт” үйлдвэрийн залуусын “Зөв залуус” клубын санаачилсан “Эрүүл мэндийн зам” төслийг “Эрдэнэт үйлдвэр” ХХК-ийн удирдлагууд дэмжиж, тус үйлдвэрийн санхүүжилтээр амжилттай хэрэгжүүллээ. Орхон аймаг стандартын дагуу баригдсан, Монгол улсад хамгийн урт 5,6 км дугуйн замтай боллоо. Нээлтийн ёслолд “Эрдэнэт” үйлдвэрийн Ерөнхий захирлын хөгжлийн асуудал эрхэлсэн орлогч Б.Намхайнямбуу, Үйлдвэрлэл эрхэлсэн орлогч Д.Даваасамбуу, Нийгмийн асуудал хариуцсан орлогч С.Сувдаа, Орхон аймгийн Засаг дарга Г.Зоригт, ОХУ-аас Орхон аймагт суугаа ерөнхий консул Р.Р.Ракшаев болон үйлдвэрийн цех нэгжийн удирдлагууд, ажилчны төлөөлөл оролцлоо. Эрүүл мэндийн зам нь 2 м өргөн, 5,6 км урт бөгөөд замыг зориулалтын дагуу ашигласан нөхцөлд 25-30 жил ашиглах боломжтой юм. “Эрдэнэт” үйлдвэр нийгмийн хариуцлагын хүрээнд дахин шинэ төслийг амжилттай хэрэгжүүлж, Эрдэнэт хотын иргэд, үйлдвэрийн ажилчдынхаа эрүүл мэндэд томоохон хөрөнгө оруулалтыг хийсэн байна.

Shuud.mn
Сонин хачин