Баруун Африкийн орнуудад дэгдсэн эбола вирус өнгөрсөн сарын дундуур Бүгд найрамдах Мали улсад бүртгэгдсэн билээ. Эбола дэгдээд буй Гвиней улсаас эргэж ирсэн хоёр настай охиноос шинжилгээ авахад халдвар тээгч болох нь илэрсэн юм. Охины ээж Гвиней улсад байхдаа эбола вирусын улмаас амиа алджээ. Тус улсын эмч нар охиныг Каес хотын төв эмнэлэгт тусгаарлаж, туршилтаар гаргаж авсан “Замак” хэмээх бэлдмэлээр эмчилж байсан ч өчигдөр 20.00 цагийн үед нас барсан тухай тус улсын Эрүүл мэндийн сайд Оусмане Конеги мэдэгдэв. Энэхүү мэдээллийн дараа Мали улсын Ерөнхийлөгч Амаду Тумани Туре нийслэл Бамако хотод тогтоосон хөл хорионы цагаа сунгаж, амиа алдсан охины гэр бүл болон хамаатнуудыг тусгаарлахыг үүрэгдсэн байна.
Өнөөдрийн байдлаар эбола вирусээр 5100 хүн амиа алдаж, 13500 хүн халдвар авчээ.
р
Б.Дэлгэрцэцэг
Уншиж байна |