АНУ-д “Талархлын баяр”-ыг арваннэгдүгээр сарын дөрөв дэх пүрэв гаригт тэмдэглэдэг уламжлалтай билээ. Өчигдөр тус баярын хүрээнд Ерөнхийлөгч Барак Обама уламжлал ёсоор хоёр цацагт хяруулд өршөөл үзүүлсэн тухай “www.usatoday.com” мэдээллээ. Обама “Би өөрийн бүрэн эрх мэдлийнхээ хүрээнд Мак, Чийз хэмээх энэ хоёр цацагт хяруулыг үндэсний уламжлалт баярын зоог болох аймшигт хувь тавилангаас хэлтрүүлж байна” хэмээжээ.
Мак, Чийз гэх хоолны нэрээр нэрлэгдсэн эдгээр цацагт хяруулыг Виржиниа мужаас авчирсан байна. Их Британийн амьтны эрхийг хамгаалах байгууллагаас тооцоолсноор жил бүрийн “Талархлын баяр”-аар ойролцоогоор 50-60 сая цацагт хяруул баярын ширээний зоог болдог гэжээ.
Амьтан хамгаалах байгууллагууд энэхүү уламжлалыг зогсоохыг уриалдаг бөгөөд 1989 онд экс Ерөнхийлөгч эцэг Буш Цагаан ордонд анх удаагаа цацагт хяруулд өршөөл үзүүлжээ.
Б.Дэлгэрцэцэг
Уншиж байна |