Ипотекийн зээл буюу орон сууцны найман хувийн зээлийн журамд өөрчлөлт орсон гэх мэдээлэл олон нийтийн мэдээллийн хэрэгслээр цацагдсан.  Тэгвэл уг мэдээллийг Монголбанк болон Монголын Ипотекийн корпорацийн зүгээс няцаалаа. Энэ талаар Монголбанкны Ерөнхийлөгч Н.Золжаргал “Гадуур яригдаад байгаа шиг зээл олголтыг зогсоосон юм байхгүй. Найман хувийн зээлийн санхүүжилт хэвийн явагдаж байгаа” хэмээн мэдэгджээ. Харин Монголын арилжааны банкууд зээлийн журамд бус дотоодынхоо зээлийн шалгуурт өөрчлөлт оруулж байгааг холбогдох албаныхан мэдээлсэн байна.

г Б.Одон