ХААИС-ийн захирал асан Б.Бямбаа болон Д.Янжмаа, Б.Болдбаатар, Ц.Амарсайхан нарт холбогдох хэргийг ирэх мягмар гаригт дүүргийн Эрүүгийн хэргийн анхан шатны II шүүхэд хянан хэлэлцэх тов гарчээ. Улсын мөрдөн байцаах газраас Б.Бямбааг багш, ажилтнуудынхаа нийгмийн асуудлыг шийдэх нэрийдлээр сургуулийн эзэмшил газраас хувийн компанид өгч, ямар ч тендергүй барилга бариулан сургуулиас их хэмжээний мөнгө шилжүүлсэн байж болзошгүй гэх хэрэгт сэжигтнээр татан байцааж байсан юм.