Ромын хамба ламтан Францис “Charlie Hebdo” шог сонины талаар өөрийн үзэл бодлоо илэрхийлсэн тухай “Ройтерс” агентлаг мэдээллээ. Тэрбээр мэдэгдлийнхээ эхэнд амиа алдсан сэтгүүлчдийн гэр бүлд эмгэнэл илэрхийлж, дахин тероррист халдлагаас сэрэмжлэхийг Францын удирдлагуудаас хүссэн байна.
XA
Францис “Парист болсон халдлагын үеэр 17 хүн амиа алдсанд харамсаад ч барахгүй нь. “Charlie Hebdo” сонин исламын шашинтнуудын хувьд амьд бурхан мэт хүндлэгддэг их зөнч Мухаммедийг шоглосон зургуудыг нийтэлснээс болж дээрх халдлага гарсан гэж хэт даврагчид мэдэгдсэн. Үнэнийг хэлэхэд үзэл бодлоо илэрхийлэхэд хязгаар гэж бий гэдгийг “Charlie Hebdo” сонины удирдлагуудад мэдэгдье. Халдлага үйлдсэн хэт даврагчид буруутай ч тохиромжгүй цагт буруу аргаар үзэл бодлоо илэрхийлсэн та бүхэн ч буруутай” гэж хэлжээ.
a
Өнгөрсөн долоо хоногт тус сонин их зөнч Мухаммедийг шоглосон зурагтай сонинг худалдаанд гаргасан юм. Энэхүү сонин борлуулалтаараа түүхэн амжилт тогтоогоод буй. Өнөөдрийн байдлаар нийт 2.5 сая хувь борлогджээ.
a
Б.Дэлгэрцэцэг
Уншиж байна |