Алдарт бөх И.Ярыгиний нэрэмжит олон улсын "Алтан гран при" тэмцээн ОХУ-ын Красноярск хотноо үргэлжилж байна. Энэхүү тэмцээнд Монгол Улсын тамирчид амжилттай оролцож байна. Эмэгтэйчүүдийн 58 кг-ын жинд хүч үзсэн олон улсын хэмжээний мастер Б.Шоовдор жиндээ тэргүүлж алтан медаль хүртлээ.
ы
Мөн эмэгтэйчүүдийн 53 кг-ын жинд Э.Сумъяа хүрэл медалийн тавцанд зогссон бол 69 кг-ын жинд хүч үзсэн гавяат тамирчин О.Насанбурмаа мөнгөн медаль зүүлээ. Тэрбээр ийнхүү Иван Ярыгиний нэрэмжит "Алтан гран при"-аас алт, мөнгө, хүрэл медаль зүүж буй юм.
б
Харин эрэгтэйчүүдийн 57 кг-ын жинд Э.Бэхбаяр хүхэл медалийн тавцанд зогсож, 13 жил тасарсан медалийн буухиаг үргэлжлүүлжээ. Манай улсын тамирчдын хувьд И.Ярыгиний тэмцээнээс эрэгтэй чөлөөт бөхийн төрөлд 2002 онд 58 кг-ын жинд О.Пүрэвбаатар, 130 кг-ын жинд Г.Өсөхбаяр нар мөнгөн медаль авснаас хойш медаль зүүгээгүй байжээ.
ы
Өнөөдөр эрэгтэй 61 кг, 65 кг, 70 кг, эмэгтэй 48 кг, 55 кг, 63 кг, 75 кг-ын жингүүдийн барилдаан болно.
б
Тамирчдадаа баяр хүргэж, амжилт хүсье.
б
бБ.Бэхи
Уншиж байна |