Монголын хөрөнгийн биржээс “Үнэт цаасны зах зээлийн нээлттэй өдөрлөг"-ийг зохион байгуулах гэж байна. Ирэх сарын 6-7-ны өдрүүдийн 10:00-17:00 цагийн хооронд Хөрөнгийн биржийн Арилжааны танхимд болох тус өдөрлөгт Сангийн яам, Санхүүгийн зохицуулах хороо,  Үнэт цаасны төлбөр, тооцоо, төвлөрсөн хадгаламжийн төв, Үнэт цаасны компаниуд болон хувьцаат компаниудын төлөөлөл оролцох аж. Энэ үеэр үнэт цаасны зах зээлийн нэг цэгийн цогц үйлчилгээг авах боломжтой. Тухайлбал

• Арилжаа болон хувьцаат компанийн талаарх мэдээлэл

• Засгийн газрын үнэт цаасны талаарх мэдээлэл, танилцуулга

• Ногдол ашгийн мэдээ

• Хөрөнгө оруулалтын зөвлөгөө

• Брокерийн данс нээх үйлчилгээ

• Төлбөр тооцооны данс нээх үйлчилгээ

• Данс шүүх үйлчилгээ /Эрдэнэс таван толгой/

• Үнэт цаастай холбоотой иргэдийн санал хүсэлтийг бүртгэн авч шийдвэрлэх юм байна.