УИХ-ын чуулганы нэгдсэн хуралдаан үргэлжилж, Монгол хэлний тухай хуулийн төслийг хэлэлцэж зарчмын зөрүүтэй саналаар санал хурааж байна. Тухайлбал УИХ-ын гишүүн Л.Эрдэнчимэг гаднаас импортолж байгаа бүтээгдэхүүний тайлбарыг монголоор бичих гэсэн заалтыг хасах саналыг гаргажээ. Энэ талаар УИХ-ын гишүүн  Г.Уянга "импортын бараанд монгол хэлээр тайлбар бичнэ гэдгийг хасч байгаа юм байна. Уг нь энэ чухал асуудал. Ямар зориулалттай, хаана ямар газар үйлдвэрлэсэн нь ялангуяа эм, эмэн бүтээгдэхүүнд их хэрэгтэй. Яагаад үүнийг хасав, хэрэглэгчдэд чухал хэрэгтэй заалт" гэсэн асуултыг асуув. Түүний асуултад ажлын хэсгийн ахлагч, УИХ-ын гишүүн Р.Гончигдорж "Салбар салбарын хууль, тухайлбал эмийн хуулинд ийм заалт байгаа учраас монгол хэлний хуулинд байх шаардлагагүй гэж татан авсан" гэсэн хариултыг өгөв.

а

Мөн энэ талаар УИХ-ын гишүүн  Г.Баярсайхан саналаа хэлэв. Тэрбээр "Боломж олдож байгаа дээр нь байр сууриа хэлээд авъя. Монголчууд 3 хувьсгал хийсэн байна.  Одоо соёлын хувьсгал хийх гээд байна. Энэ зөв зүйл биш. Монгол хэл мөхөж байна гэдэг, мөхөж байгаа зүйл хаана байна вэ? Заавал монгол хэлийг хуульчлах шаардлага байна уу, энэ бол хувь хүний эрх чөлөөнд халдаж байгаа асуудал. Миний ээж монгол хэл, уран зохиолын багш. Би монгол хэл бичгээ хайрлана. Энэ хууль орж ирснээр кирилл бичгийг үгүйсгэж байгаа юм шиг харагдаж байна. Бид кирилл бчигээрээ явах нь зөв зүйтэй. Монголчууд хос бичигтэй болсон гээд Гиннесийн номонд орох нь л дээ. Бид 20 жил энэ асуудлыг ярилаа. Амьдралд хэрэгжиж байгаа нь хаана байна?

а

Ийн гишүүд саналаа хэлсний дараа санал хураав. Гишүүдийн 69.5 хувийн саналаар импортын бүтээгдэхүүнд монгол хэлээр тайлбар бичих гэсэн заалт хасагдлаа.

а

В.Бат