МҮОНРТ-ийн экс захирал М.Наранбаатар УИХ-ын дарга З.Энхболдоос уучлалт гуйжээ. Тэд багагүй хугацаанд хэвлэлээр маргалдаж, биенээ шүүхэд өгөхдөө тулаад байсан юм. УИХ-ын дарга З.Энхболд чуулганы индрээс М.Наранбаатар болон түүний тойрон хүрээлэгчдийг архичин хэмээн хэлснээс тэдний дундах маргаан эхэлсэн. Үүний дараа М.Наранбаатар хэвлэлийн бага хурал хийж, З.Энхболд сонгуулийн үеэр надаас зүй бус зүйл шаардсан хэмээн хэлж, нэр төрөө сэргээлгэхээр шүүхэд хандахаа мэдэгдээд байсан юм. Тэгвэл тэдний маргаан төгсгөл болох бололтой.