ОХУ-ын Ерөнхийлөгч В.Путин төрийн айлчлал хийхээр Египетийн нийслэл Каир хотноо хүрэлцэн ирсэн тухай “www.dailymail.co.uk” мэдээллээ. Путиний айлчлалтай холбоотойгоор Каир хотноо хөл хорио тогтоож, зэвсэглэсэн цагдаа нар хамгаалалтад гарчээ. Путин айлчлалынхаа эхэнд тус улсын Ерөнхийлөгч, генерал Абдул Фаттах аль Сиситэй уулзаж, Ойрхи Дорнодын асуудлаар байр сууриа солилцохоор болжээ.  

Сиси өнгөрсөн оны наймдугаар сард ОХУ-д долоо хоногийн хугацаатай төрийн айлчлал хийсэн билээ. Айлчлалын хүрээнд Египетэд хөнгөлөлттэй үнээр зэвсэг нийлүүлэхийг Путин зөвшөөрсөн юм. Нийтдээ 18 сая ам.долларын өртөгтэй гар буу, пуужингаас хамгаалах төхөөрөмж, цэргийн болон тусгай техникийг хөнгөлөлттэй үнээр нийлүүлсэн аж. Путиний айлчлалын зорилго одоогоор тодорхойгүй байна гэж Оросын хэвлэлүүд мэдээлж байна.

Б.Дэлгэрцэцэг