Ерөнхий сайд Ч.Сайханбилэг Орхон аймгийн Засаг даргад нэр дэвшээд байсан С.Дангаасүрэнг батламжилжээ. Тиймээс тэрбээр өнөөдөр тамга тэмдгээ гаргаж авсан байна. Уг арга хэмжээнд Засаг дарга асан Г.Зоригт, Орхон аймгийн ИТХ-ын дарга Б.Мягмарсүрэн бусад дарга албан хаагчид оролцжээ.
f
Засаг дарга С.Дангаасүрэн Тамгаа гардаж авсныхаа дараа "Өнгөрсөн 2 жилийн хугацаанд манай аймагт ихээхэн бүтээн байгуулалтын ажил хийгдсэн энэ бүтээн байгуулалтын ажлыг цааш нь үргэлжлүүлэх, төрийн албаны залгамж халааг бэхжүүлэх, гэр хорооллын иргэдийн нийгмийн асуудалд анхаарч иргэдийнхээ төлөө хичээл зүтгэл гаргаж ажиллана" гэсэн юм.
f
С.Дангаасүрэн нь 1983 онд Увс аймгийн Өндөрхангай сумын 8 жил, 1985 онд Увс аймгийн Баруунтуруун суманд 10 жил, 1985-1989 онд Биеийн тамир спортын Хүч нийгэмлэгт тамирчин байлдагч ахлагчаар цэргийн алба, 1994 онд Биеийн тамирын дээд сургууль тус тус төгсчээ. Харин 2004 онд БНСУ Тайвань улсад Жижиг дунд үйлдвэр Бизнесийн чиглэлээр мэргэжил дээшлүүлсэн байна. Тэрбээр багш мэргэжилтэй бөгөөд 1997 оноос ‘’Алтантошлой’’ ХХК-ийг үүсгэн байгуулж захирал,2012 оноос одоог хүртэл Жаргалант сумын засаг даргын албыг хашиж байгаа юм байна.
Б.Одон
Уншиж байна |