Эрүүл мэндийн сайд асан Н.Удвал Эвийн хэрэм үндэсний хөдөлгөөнийг удирдахаар болжээ. Тэрбээр, өнөөдөр Монголын Үндэсний худалдаа аж үйлдвэрийн танхимын дугуй зааланд тус хөдөлгөөнөө нээлтээ хийсэн байна.

Эрүүл мэндийн сайд асан Н.Удвалын санаачилсан энэхүү хөдөлгөөн нь хувь хүн, өрх бүл, найз нөхөд, хамт олон, орон нутаг, үндэсний хэмжээний нийтлэг үнэт зүйлсийг сэргээн хөгжүүлэх, үнэт зүйлс дээрээ бүх нийтээрээ эв санааны нэгдэлтэй болох, бүх түвшин дэх үл ойлголцол, зөрчил зөрөлдөөнийг энхийн аргаар шийдвэрлэхэд гишүүд иргэдийн чадавхийг бэхжүүлэх, үнэт зүйлээ хайрлан хамгаалах ур чадвартай болгох, эвийн хүчээр хувь хүн гэр бүл, улс орны зүй зохистой хөгжлийг хангахад дэмжлэг үзүүлэх чадавхи бүрэлдүүлэх зорилготой аж.