Сингапурын эцгийг сүүлийн замд нь үдэв
2015-03-30 11:10

 

Сингапур улсын анхны Ерөнхий сайд Лу Куан Ю өнгөрсөн долоо хоногт 91 насандаа таалал төгссөн билээ. Түүний биеийн байдал энэ оны эхээр эрс муудаж, өнгөрсөн сард уушигны хатгаа туссаны улмаас эмнэлэгт хүргэгдсэн юм. Сайдын үхлийн шалтгааныг уушигны үрэвсэлт өвчнөөс болсон хэмээн эмч нар мэдэгджээ. Өнөөгийн Ерөнхий сайд Ли Сиен Лун Сингапурын эцэг хэмээн олонд алдаршсан Лу Куан Югийн гавьяаг үнэлж, орон даяар долоо хоногийн гашуудал зарласан юм. Тэрбээр сайдын ач хүү билээ. Сингапурын Үндэсний их сургуулийн соёлын төвд өчигдөр Лу Куан Югийг эцсийн замд нь үдсэн тухай “CNN” агентлаг мэдээлэв.  

 

Салах ёс гүйцэтгэхээр Энэтхэгийн Ерөнхий сайд Нарендра Моди, Австралийн Ерөнхий сайд Тони Эббот, Камбожийн Ерөнхий сайд Хун Сен болон АНУ-ын экс Ерөнхийлөгч Билл Клинтон нар Сингапурт хүрэлцэн ирсэн байна. Сайдыг таалал төгссөний дараа түүний шарилыг парламентын ордны хүндэтгэлийн танхимд байршуулсан юм. Ойролцоогоор 1.5 сая хүн талийгаачид хүндэтгэл үзүүлжээ.

 

Б.Дэлгэрцэцэг

Shuud.mn
Сонин хачин