Энэ бямба гаригт сар бүтэн хиртэнэ гэж “www.timeanddate.com” мэдээллээ. Сар бүтэн хиртэлт буюу “Цуст улаан сар” Төв ази, Австрали, Хойд болон Өмнөд Америкт илүү тод харагдахыг эрдэмтэд тооцоолжээ. Бямба гаригт болох сар хиртэлтийг Улаанбаатарын иргэд харах боломжтой. Улаанбаатарын цагаар 20.18 цагт эхлэж 22.44 минутад дуусах гэнэ.

Эрдэмтэд сар хиртэх нүдэнд ямар ч зовиургүй гэж мэдэгджээ. Тиймээс сар хиртэлтийг заавал тусгай зориулалтын шил болон дурангаар харах шаардлагагүй гэнэ. Гэхдээ Харвардын их сургуулийн эрдэмтэд “Нүдэндээ хайртай бол селфи бүү хий” гэж зөвлөсөн байна.

Өнгөрсөн сарын 20-нд нар бүтэн хиртэж, Шотланд, Их Британи, Хойд Америк, Азийн хойд хэсэг бүхэлдээ харанхуйд авсан билээ. 2034 оныг хүртэл нар бүтэн хиртэхгүй бол сар ирэх оны зургадугаар сард бүтэн хиртэх гэнэ.

Б.Дэлгэрцэцэг