Уул уурхайн инженерүүдтэй хамтарна
2015-4-3

 

Төрийн өмчит уул уурхайн компанийн үйл ажиллагаанд салбарын эрдэмтэн судлаачид, мэргэшсэн зөвлөх инженер, мэргэжилтнүүдийн оролцоог нэмэгдүүлэхээр "Эрдэнэс Монгол" ХХК болон Монголын уул уурхайн аж үйлдвэрлэлийн мэргэшсэн, зөвлөх инженерүүдийн үндэсний холбоо хамтран ажиллахаар боллоо.

 

 

 

  "Эрдэнэс Монгол" ХХК-ийн байранд өнөөдөр дээрх хамтын ажиллагааг баталгаажуулах Санамж бичигт гарын үсэг зурах ёслол болсон юм. "Эрдэнэс Монгол" ХХК-ийн гүйцэтгэх захирал Б.Бямбасүрэн, “Монголын уул уурхайн аж үйлдвэрлэлийн мэргэшсэн зөвлөх инженерүүдийн үндэсний холбоо” ТББ-ийн тэргүүн Д.Цогтбаатар нар санамж бичигт гарын үсэг зурав.

 

Энэхүү баримт бичигт УИХ-ын 2014 оны 18 дугаар тогтоолоор баталсан “Төрөөс эрдэс баялгийн салбарт баримтлах бодлого”-ын хэрэгжилтийг хангах ажлын хүрээнд талуудын хамтын ажиллагааны үндсэн чиглэлийг тодорхойлох юм байна. Талууд тодорхой чиглэлүүдээр тус тусын төлөөллөөс бүрдсэн баг бүрдүүлэн ажиллах ба дараах хүрээнд зохих үйл ажиллагааг зохион байгуулах аж.

Тухайлбал,

 

Уул уурхайн салбарын үйл ажиллагаатай холбогдсон ойлголтыг нийгэмд зөвөөр тайлбарлан таниулах, ойрын болон дунд хугацааны хөтөлбөр, боловсруулан санхүүжилт, хэрэгжилтийг хамтран зохион байгуулах,

 

Уул уурхайн салбарын бүтээгдэхүүний тээвэр, ложистик дэд бүтцийг сайжруулах, судалгаанд суурилсан санал боловсруулах, бүтээгдэхүүний эспортыг дэмжих чиглэлээр тодорхой ажлыг зохион байгуулах,

 

"Эрдэнэс Монгол" ХХК-аас хэрэгжүүлэх уул уурхайн салбарын шинэ төсөл хөтөлбөрт мэргэжлийн холбоод захиалгаар тусгайлан баг гаргаж хамтран ажиллах, тухайн ажлыг амжилттай хэрэгжүүлэх бүх нөхцөл боломжийг бүрдүүлэхэд анхаарч ажиллах зэргийг тусгасан байна.

 

 

П.Наран

Shuud.mn
Сонин хачин
иргэн:
Хятад улс конвергенцийн онолоор амжилттай хөгжиж байна. Монголд хөгжлийн ямар ч онол, загвар байхгүй, харин АН-ын зохиосон “ардчилал” гэдэг үлгэр л бий.
2015-04-04
иргэн:
Ардчилал, даяарчлал, олон ургалч үзэл, олон намын систем, залуу улс төрч, төр муу менежер, сонгуулийн машин, гуравдах хөрш, чөлөөт зах зээл, өмч хувьчлал, хувийн өмч, эрх чөлөө, ашигт малтмалын ордын лиценз, лицензийн наймаа, гадаадын хөрөнгө оруулалт энэ бүхэн чинь буурай хөгжилтэй Монгол орны газрын хэвлийн баялагийг дээрэмдэж авахын тулд Америкуудын зохиосон үлгэр юм. Энэ үлгэрийг Ардчилсан нам 25 жил ярьж байна.
2015-04-04
иргэн:
Оюу толгойн асуудлыг шийдвэрлэх цорын ганц гарц нь Монгол улсад онц их хэмжээний хохирол учруулсан хэргээр гадаадын хөрөнгө оруулагчид болон гэрээ байгуулсан улс төрчдөд эрүүгийн хариуцлага хүлээлгэх явдал юм. Монголын ард түмнийг хууран мэхлэх, эрх мэдэл албан тушаалаа урвуулан ашиглах замаар Оюу толгой, Таван толгойн гэрээ гэгчийг байгуулж, Монгол улсад онц их хэмжээний хохирол учруулсан гадаадын хөрөнгө оруулагчид болон улс төрчид хэзээ нэгэн цагт эрүүгийн хатуу хариуцлага хүлээх бизээ.
2015-04-04
иргэн:
Монголын “Ашигт малтмалын тухай хууль” үнэнхүү хөлдүү. Учир нь уг хуулинд “ төр ашигт малтмалын ордод 34-50 -ийг эзэмшинэ” өөрөөр хэлвэл “төр өөрийнхөө өмчид 34-50 -ийг эзэмшинэ” гэсэн дэндүү тэнэг, хөлдүү заалт бий. Гэтэл олон улсын уул уурхайн эрх зүйн дагуу ашигт малтмалын ордыг ард түмэн 100 өмчилж, төр 100 эзэмшдэг. Харин төр ашигт малтмалын ордод биш харин уг ордыг ашиглагч аж ахуйн нэгжид уулын үйлдвэрт буюу уурхайн үндсэн хөрөнгөд нь тодорхой хувь эзэмшиж болох юм. Монголын улс төрчид ашигт малтмалын орд, ордыг ашиглагч аж ахуйн нэгж уулын үйлдвэр, уурхайн үндсэн хөрөнгө гэсэн гуравхан зүйлийг өөр хооронд нь ялгаж салгаж ойлгож чаддаггүй тэнэг, хөлдүү болох нь тэдний баталсан “Ашигт малтмалын тухай” хуулиас нь тод томруун харагддаг.
2015-04-04
иргэн:
Ашигт малтмалын ордыг ард түмэн 100 өмчилж, төр 100 эзэмшиж, хөрөнгө оруулагч 100 ашигладаг. Олон улсын уул уурхайн эрх зүйн дагуу ашигт малтмалын ордыг ашиглах гэрээний үндсэн 3 төрөл байна. Үүнд 1-рт, Роялти роялти авна гэдэг нь мөн чанартаа ашигт малтмалын ордыг үнэлж, үнийг нь хөрөнгө оруулагчаас сар бүр суутган авах үйл ажиллагаа юм болон татварт үндэслэгдсэн концессын гэрээ энэ нь гадаадын буюу дотоодын хөрөнгө оруулагч хайгуул хийх, уурхайг барьж байгуулах, олборлолт хийх бүх зардлыг гаргаж борлуулалтаа хийгээд төрд асар өндөр хэмжээний роялти болон татвар төлөх гэрээ юм, 2-рт, Бүтээгдэхүүн хуваах гэрээ энэ нь гадаадын буюу дотоодын хөрөнгө оруулагч хайгуул хийх, уурхайг барьж байгуулах, олборлолт хийх бүх зардлыг гаргаад олборлосон бүтээгдэхүүнээ хөрөнгө оруулагч, төр хоёр бараг тэнцүү хэмжээгээр хувааж аваад тус тусдаа худалдан борлуулах гэрээ юм, 3-рт, Уурхайн түлхүүр хүлээлгэн өгөх гэрээ энэ нь гадаадын буюу дотоодын хөрөнгө оруулагч хайгуул хийх, уурхайг барьж байгуулах
2015-04-04