Иргэдээ эргүүлэн татаж эхэллээ
2015-4-7

Йемен улсад болж буй зөрчил мөргөлдөөний улмаас Франц, Пакистан улс иргэдээ эргүүлэн татаж эхэлсэн тухай “CNN” агентлаг мэдээллээ. Франц тус улсад ажиллаж, амьдарч буй 225 иргэнээ эргүүлэн татаж, Парист авчирсан байна. Мөн Сана хотноо байрлах Элчин сайдын яамныхаа үйл ажиллагаагаа хэсэг хугацаанд зогсоож, яамны ажилчдыг аюулгүй газарт хүргэжээ.

 

Францын Ерөнхийлөгч Франсуа Олланд Элчин сайдын яамаа эргүүлэн татах бодолгүй байгаагаа илэрхийлж, “Йемен өмнөх шигээ тайван болбол элчин сайдын яам хэвийн ажиллах болно” гэж хэлжээ.

 

Пакистаны тал өчигдөр сөргөлдөөний бүс буюу Сана, Аден хотоос 124 иргэнээ эргүүлэн татжээ. Мөн элчин сайдын яамаа эргүүлэн татаж, 2017 оныг хүртэл яамаа нээхгүй гэдгээ илэрхийлсэн байна.

 

Йемений шийт шашны “Хоути” бүлэглэл Аден хотод хяналтаа тогтоосон тухай тус улсын Ерөнхий сайд Риад Асен шуурхай мэдэгдлийнхээ үеэр мэдэгдсэн байна. Тэрбээр “2500 явган цэрэг тус хотыг эргүүлэн авахаар цэргийн ажиллагаанд бэлдэж эхэлсэн” гэжээ.

Өнгөрсөн долоо хоногт АНУ, Их Британи улс иргэдээ эргүүлэн татсан байна.

 

Б.Дэлгэрцэцэг

Shuud.mn
Сонин хачин