Сонгинохайрхан дүүргийн нутаг дэвсгэрт найман настай охиныг хүчирхийлсэн хэрэг гарсан. Гэмт этгээдийг эрэн сурвалжилж байгаа тухай мэдээлсэн.
Тэгвэл Улаанбаатар хотын цагдаагийн газрын Онц хүнд, зохион байгуулалттай гэмт хэрэгтэй тэмцэх газрын албан хаагчид цаг алдалгүй гэмт этгээдийг илрүүлэн баривчилж, цагдан хорьжээ. Гэмт этгээд нь Сонгинохайрхан дүүргийн 22 дугаар хороонд оршин суух хаягтай Ж /21 настай/ гэгч байсан гэнэ.
Харин охины биеийн байдал тааруухан, мэс засалд орж байна гэж эх сурвалж мэдээлсэн. Урин дулаан цаг ирж бага насны хүүхдүүд гэр, сургуулийн замдаа ганцаараа зорчих болсон энэ үед эцэг, эхчүүд хүүхдээ хараа хяналтгүй орхихгүй, анхаарал болгоомжтой байхыг анхааруулж байна.
Б.Хүлэг