Улаанбаатар
Зочлох үйлчилгээнийхэн шилдгийн төлөө өрсөлдөж байна
2015-4-10

“Найрсаг Улаанбаатар” хөтөлбөрийн хүрээнд  зочлох үйлчилгээний салбарын үйлчилгээний ажилтнуудын  мэргэжлийн аварга шалгаруулах “ХОРЕКА-2015” олон улсын тэмцээн “Мишээл экспо” төвд өнөөдөр эхлээд байна. Тус тэмцээн энэ сарын 12-ний өдрийг хүртэл үргэлжлэх юм. Тэмцээнд эхний шатнаас шалгарсан 30  ажилтан үйлчилгээний менежер, зочин хүлээн авагч, өрөөний үйлчлэгч, тогооч, зөөгч, угаалгын ажилтан гэсэн ажил мэргэжлээр өрсөлдөж, шилдгүүдээ шалгаруулна. Шилдэг оролцогч дунд ОХУ, БНХАУ,  БНСУ-ын оролцогч өрсөлдөж байна.

 

Мөн энэ үеэр “ХОРЕКА-2015” зочид буудал, зоогийн газрын үзэсгэлэн зохион байгуулагдаж, 80 гаруй аж ахуйн нэгж хамрагдаж бараа бүтээгдэхүүний дэлгэн тавиад байна. Аялал жуулчлалын салбарын хөгжил эрчимжиж, улс нийслэлийн  нийгэм, эдийн засагт үзүүлэх үр нөлөө, ач холбогдол нь жилээс жилд нэмэгдэж байгаатай холбоотойгоор үйлчилгээний стандарт, бүтээгдэхүүний чанарыг олон улсын түвшинд хүргэх зорилгоор зочид буудал, зоогийн газрын хангамжийн үзэсгэлэн, тэмцээнийг 9 дэх жилдээ нийслэлийн Аялал жуулчлалын газар, Монголын зочид буудлуудын холбоо, Монголын ресторан зоогийн газрын холбоо хамтран зохион байгуулж байна. “Хорека 2015” үзэсгэлэн 3 өдөр үргэлжилнэ.

 

 

Shuud.mn
Сонин хачин