Ерөнхийлөгчийн санаачилсан Шилэн дансны хууль хэрэгжиж байгаа билээ. Томоохон мөнгөн дүнтэй гүйлгээ бүхэнтэй хамаатай энэ хуулийг МХБХ ч хэрэгжүүлж эхэлсэн байна. Өөрөөр хэлбэл Ерөнхийлөгчийн зөвлөх А.Ганбаатар өөрийнхөө удирддаг байгууллагад даргынхаа санаачилгыг хэрэгжүүлж эхэлжээ. Тэрбээр хөлбөмбөгийн холбооны санхүү болон үйл ажиллагааны тайланг ил тод байрлуулж, шилэн болгох асуудлыг мөрийн хөтөлбөртөө тусгасан гэнэ. Энэ дагуу өчигдөр болсон гүйцэтгэх хорооны гишүүдийн II хурлаараа холбооны дансаа шилэн болгожээ.