Иракийн хэт даврагч “Халифын вант улс” бүлэглэл Афганистаны нийслэл Кабул хотноо халдлага үйлдсэн тухай “www.dailymail.co.uk” мэдээллээ. Халдлагын улмаас 35 хүн амиа алдаж, 125 хүн шархтсан байна. Амиа золиослогч 30 гаран насны эмэгтэй Кабулын төв банкны өмнө өөрийгөө дэлбэлсэн байна. Тэрээр “Исламын улс үүрд мандан бадраг” хэмээн хашгирчээ.

Энэхүү халдлагаас 30 минутын дараа Жалалабад хотноо хэт даврагчид дараалласан халдлага үйлдэж, 10 гаруй автомашин дэлбэлжээ. Тус улсын Ерөнхийлөгч Ашраф Гани хэт даврагчдад бууж өгөхгүй гэдгээ илэрхийлж, “Биднийг цусаар уйлуулсан хэт даврагчдыг устгах болно. Биднийг басамжилж бас доромжилсон бүхэн хариугаа авах болно” гэж хэлжээ. Тэрбээр ийнхүү хэлснийхээ дараа Иракт цохилт өгч буй холбоотон орнуудад нэгдэх хүсэлтээ гаргаж, Кабул хотын хамгаалалтыг нэмэгдүүлэх шийдвэр гаргасан байна.

Б.Дэлгэрцэцэг