Удирдагч Ким Чен Ун Хойд Солонгосын хамгийн өндөр уул гэгддэг Пэктусанд гарчээ. Тэрбээр оргилд гарсныхаа дараа ард түмэнтэйгээ мэндчилж, мөн нар мандахыг харсан тухай “CNN” агентлаг мэдээллээ. Түүнтэй хамт “Хөдөлмөрийн нам”-ын нөлөө бүхий улстөрчид болон Ардын армийн удирдлагууд 2744 м өндөр ууланд гарчээ.
Ким Чен Ун удирдагч болсноосоо хойш анх удаагаа тус ууланд гарч байгаа юм. Тэрбээр уулнаас буусныхаа дараа ард түмнээ Пэктусан ууланд жилдээ 2-3 удаа гарч улсынхаа хөгжлийг дээрээс нь харахыг үүрэгдсэн байна. Ким Чен Уныг Пэктусан уулын бэлд төрсөн хэмээн өмнөдийн тагнуулууд мэдээлдэг. Гэхдээ түүнийг ОХУ, АНУ-д төрсөн гэх мэдээлэл ч бий.
“Удирдагч ирэх сараас эхлэн улсаа тойрон аялахаар болсон” гэж “KCNA” агентлаг уламжлав.
Б.Дэлгэрцэцэг
Уншиж байна |