Баавгай агнавал 15 саяар торгоно
2015-4-23

Нийслэлийн мэргэжлийн хяналтын газраас нийслэлийн  нутаг дэвсгэрт хууль бус ан агнууртай тэмцэх, урьдчилан сэргийлэх чиглэлээр хяналт шалгалт хийж байна. Уг хяналт шалгалттай холбогдуулан иргэд, аж ахуйн нэгж, байгууллагуудад сэрэмжлүүлэг хүргүүлжээ.

 

Уг сэрэмжүүлэгт  “Амьтны тухай” хууль тогтоомж, тэдгээрт нийцүүлэн гарсан дүрэм, журмын хэрэгжилтийг биелүүлэх, чанд мөрдөх,агнуурын нөөцгүй ан амьтныг агнаж, барихгүй байх, агнуурын нөөцтэй ан амьтныг ангах, барих тэдгээрийн гаралтай түүхий эдийг худалдах, худалдан авахдаа хуулинд заасан эрхийн бичиг, зөвшөөрөл, гарал үүслийн тодорхойлолтыг авч, хуулийн дагуу үйл ажиллагаа явуулахыг анхааруулжээ.

 

Мөн Байгаль орчин, ногоон хөгжлийн сайдын тушаалаар агнахыг хориглосон ан амьтан болох тал хээрийн саарал чоно, шар үнэг, хярс үнэг, тарвагыг агнах, барихгүй байх, тэдгээрийн гаралтай түүхий эд, бүтээгдэхүүнийг худалдах, худалдан авахгүй байхыг сэрэмжлүүлжээ.

 

Хэрвээ хэн нэг  иргэн  хууль бусаар ан, амьтан агнасан барьсан тохиолдолд нөхөн төлбөр, захиргааны шийтгэл, эрүүгийн хариуцлага хүлээх юм. Тухайлбал, хүрэн баавгай 13.0-15.0 сая, саарал чоно 1020000-1200000 төг, бор гөрөөс 660.000-800.000 төг, зэгсний зэрлэг гахай 5.8-6.6 сая төг, цагаан зээр 1-1.1сая, шар үнэг 220.000-260.000 , тарвага 340000-420000 төгрөгийн нөхөн төлбөр төлдөг заалттай аж.

 

Н.Нягт

                                                                                

Shuud.mn
Сонин хачин
Jambaa:
nomtoi bayar arhinii magnat bathuu met ni 15 sayaa tolchood bambrushta huhuul baavgaa alaa l yavj boloh l ym bnsht
2015-04-23