Ерөнхий боловсролын сургуульд хараагүй хүүхэд суралцахад нэг алхам ойртлоо. Азийн Хөгжлийн Банкны ажилчдын хандив болон Канад сангийн төслийн дэмжлэгтэйгээр авсан брайль, кирилл, зурган мэдээллийг гурвалсан форматаар гаргадаг хэвлэгч машиныг брайль хэвлэлийн төвд хүлээлгэн өгөх ёслол өнөөдөр болжээ. Уг хэвлэгч нь  13995 ам.долларын өртөгтэй аж.  Мөн энэ үеэр гурвалсан формат бүхий анхны сурах бичгийг хараагүй хүүхдүүдэд өгчээ.