Их Британийн угсаа залгамжлах ханхүү Уильям болон гүнж Кейт Миддлтон нар энэ амралтын өдөр хоёр дахь хүүхдээ өлгийдөн авсан билээ. Ханхүү охиноо Диана хэмээн нэрлэсэн тухай “www.dailymail.co.uk” мэдээллээ.  

Бяцхан гүнжийн бүтэн нэрийг Шарлот Элизабет Диана гэдэг байна.  Хатан хааны ордонд өчигдөр нэр сугалах ёслол болсон билээ. Гэр бүл, хамаатан садан, найз нөхдийн санал болгосон 30 гаруй нэр дундаас Кейт Миддлтоны бичсэн нэрийг ханхүү Уильям сугаласан байна.

Ийнхүү хос бяцхан гүнжээ Диана хэмээн нэрлэхээр болжээ. Уильям “Миний  охин эрүүл саруул торниж байна. Охиндоо ээжийнхээ нэрийг өгч, өнөөдрөөс эхлэн сэтгэл дотроо хэлдэг байсан тэр Диана гэх нэрийг өдөр бүр, цаг тутам дуудах боллоо. Үнэхээр гайхалтай. Надад ийм сайхан хувь тавилан тохиосонд баяртай байна” гэж хэлжээ.

Гүнжид хатан хаан II Элизабетийн, Элизабет овгийг өгчээ. Энэ тухай ханхүү “Эмээ минь ач охинтой болсондоо их баяртай байгаа. Тиймээс давхар баярлуулахыг хүссэн юм” гэсэн байна.

Б.Дэлгэрцэцэг