Монгол Улсын нийслэл Улаанбаатар хотноо суух АНУ-ын шинэ Элчин сайдаар Женнифер Зимдаал Галт тодорсон тухай “www.whitehouse.gov” мэдээллээ. Сайдыг тус улсын Ерөнхийлөгч Барак Обама сонгосон байна. Обама “Женнифер Зимдаал Галтын мэдлэг, чадварт итгэдэг. Түүний бүх зүйл үнэн, шударга байдаг” гэж хэлжээ. Тэрбээр ажлаа хүлээн авахаар энэ сардаа багтаан Улаанбаатар хотноо хүрэлцэн ирэх бөгөөд Монголын Засгийн газрын удирдлагуудтай уулзахаар болжээ.

Тэрбээр 2012 оноос БНХАУ-ын Гуанжу хот дахь АНУ-ын Консулын газрын тэргүүнээр хойш ажиллаж байгаа бөгөөд энэ сарын 19-нд Гуанжуд байх хугацаа нь дуусч байна. Элчин сайд 1988 оноос эхлэн АНУ-ын Гадаад харилцааны яаманд ажилласан бөгөөд энэ хугацаанд Энэтхэг, Тайван, Югаслов улсад Элчин сайдаар ажиллаж байсан туршлагатай нэгэн юм.  Хатагтай Галт өмнө нь “НАТО” болон Цагаан ордны гадаад харилцаа хариуцсан мэргэжилтнээр ажиллаж байжээ.

Энэ сарын 6-наас өмнөх Элчин сайд Пайпэр Энн Уинд Кэмбэллийн Улаанбаатар хотноо суух хугацаа дуусгавар болжээ.

Б.Дэлгэрцэцэг