Кувейт улсад болсон Азийн аварга шалгаруулах тэмцээний багийн тэмцээнд манай эмэгтэй тамирчид амжилттай барилдлаа.

Монгол Улсын жүдо бөхийн эмэгтэй баг Ази тивийн аварга шалгаруулах тэмцээнээс хүрэл медаль хүртлээ. Японы эмэгтэйчүүд тэргүүлж, БНСУ, Тайванийн баг тамирчид удааллаа.

Харин манай эрэгтэй баг хүрэл медалийн төлөөх барилдааныг Казахстаны тамирчидтай хийсэн ч хожигджээ.

Энэ тэмцээнд мөн Японы жүдочид түрүүлж, Узбекстаны тамирчид мөнгө, БНСУ, Казахстаны бөхчүүд хүрэл медалийн тавцанд зогсов.

Б.Бэхи