Крымийн төвд ОХУ-ын Ерөнхийлөгч В.Путиний хүрэл цээж баримал сүндэрлэсэн тухай “TASS” агентлаг мэдээллээ. Ромын Цезарь хаан шиг хувцасласан Путиний хөшөөний дор “Агуу удирдагч” хэмээн бичжээ.
Мужийн иргэд Путиний хөшөөнд хүндэтгэл үзүүлж эхэлсэн байна. Энэхүү хөшөөг Оросын хөгжимчин Стас Варетскагийн санаачилгаар урласан аж. Тэрбээр хэвлэлийнхэнд “Путин бол энэ цаг үеийн шилдэг удирдагч. Путин байгаа цагт Орос айх учиргүй” гэж хэлжээ.
Уг хөшөөнөөс гадна уран барималч Андрье Полков Москва хотноо байрлах В.И.Лениний хөшөөний оронд Путиний цээж баримлыг байрлуулах хүсэлтэй байгаа юм. Хөшөө бэлэн болсон бөгөөд Москвагийн удирдлагууд өнөөдрийг хүртэл хариу өгөөгүй байгаа гэж барималч хэвлэлийнхэнд ярьжээ.
Б.Дэлгэрцэцэг
Уншиж байна |