УИХ дахь МАН-ын бүлгийн 26 гишүүний санаачлан боловсруулсан Ард нийтийн санал асуулга явуулах тухай УИХ-ын тогтоолын төслийг энэ сарын 13-нд УИХ-ын дарга З.Энхболдод өргөн мэдүүлсэн билээ.

Тэгвэл тус намын тогтоолын төсөлд Ард нийтийн санал асуулга явуулах зардлын төсвийн төслийг 8 тэрбум гаруй байхаар урьдчилсан байдлаар төлөвлөжээ.

Хэрэв энэхүү тогтоолын төслийг УИХ хэлэлцэж баталбал сонгуулийн тогтолцоо тогтвортой болох, улс төрийн нам, төрийн байгууллагад итгэх олон түмний итгэл сайжрах, ард нийтийн санал асуулгаар аливаа асуудлыг шийдвэрлэдэг улс төрийн шинэ соёл бүрдэх, намчирхал, улстөржилт багасах, Улсын Их Хурал, иргэдийн Төлөөлөгчдийн Хурлын сонгууль тойрсон маргааныг бус улс орны эдийн засагт тулгамдсан асуудлыг шийдвэрлэхэд илүү цаг заваа зарцуулах зэрэг нийгэм, эдийн засгийн олон эерэг үр дагавар гарна гэж хуулийн төсөл санаачлагчид үзэж байгаа юм.

Н.Цогт