ОХУ-ын Ерөнхийлөгч В.Путиний найз бүсгүй, Алина Кабаеваг өнгөрсөн гуравдугаар сарын сүүлээр Швейцарийн Тичино хотын “Saint Anna” эмнэлэгт амаржиж, 3.7 кг охинтой болсон хэмээн орон нутгийн хэвлэлүүд мэдээлсэн билээ. Энэхүү мэдээллийг Ерөнхийлөгчийн хэвлэлийн төлөөлөгч Дмитрий Песков батлаагүй бөгөөд тамирчин бүсгүйг жирэмсэн биш гэсэн билээ. Европын “CEN” телевиз өчигдөр оройн хөтөлбөрөөрөө Алина Кабаевагийн өнгөрсөн хоёрдугаар сард Москва хотноо зохион байгуулагдсан ялалтын баярын өмнөх арга хэмжээнд оролцож буй дүрс бичлэгийг дамжуулсан тухай “www.dailymail.co.uk” мэдээллээ.
Бүсгүй тайзан дээр гарч ирэхдээ улаан өнгийн даашинз өмссөн байсан бөгөөд 6-7 сартай жирэмсэн байгаа нь андашгүй байгаа юм. Мөн нэлээн жин нэмсэн нь тодхон харагдаж буйг “CEN”-ийн хөтлөгч ярьжээ. Охины аав нь Путин хэмээн оросын интернэт хэрэглэгчид бичиж, Ерөнхийлөгчдөө охинтой болсонд нь баяр хүргэсэн байна.
Москвад болсон ёслолын дараа тэрбээр Ерөнхийлөгчийн машинд суусан хэмээн гэрчүүд мэдээлсэн юм. Тэднийг 2008 оноос эхлэн холбоотой болсон хэмээн хэвлэлүүд мэдээлэх болсон ч энэхүү мэдээллийг хэн хэн нь батлаагүй юм. Ерөнхийлөгч 2012 онд эхнэр Людмилагаас салсан билээ. Путин, Людмила нар Мария гэх охинтой.
Б.Дэлгэрцэцэг
Уншиж байна |