Пауэрлифтингийн хэвтээ шахалтын Дэлхийн аварга шалгаруулах тэмцээн өчигдөр Швед улсын Сюндсвалл /Sundsvall/ хотноо  эхэлсэн.

Тэмцээний эхний өдөр эмэгтэйчүүдийн өсвөрийн ангилалын -63 кг-д өрсөлдсөн манай тамирчин спортын дэд мастер О.Орхонтуул хүрэл медаль хүртэж, медалийн салхийг хагалжээ. Тэрбээр 2014 онд өсвөрийн Пауэрлифтингийн дэлхийн аварга шалгаруулах тэмцээнээс хүрэл медаль авч байсан юм.

Энэ сарын 23-ныг хүртэл үргэлжлэх Хэвтээ шахалтын ДАШТ-д Монгол Улсаа төлөөлөн 10 тамирчин оролцоно.

Б.Бэхи