Иракийн хэт даврагч “Халифын вант улс” бүлэглэлд элссэн Британийн гурван охин олон нийтийн сүлжээгээр дамжуулан халдлага үйлдэхээ сануулсан тухай “www.dailymail.co.uk” мэдээллээ. 15 настай Кадиза Султана, 16 настай Амира Абасе, 15 настай Ветхамел нар өнгөрсөн сарын эхээр сураггүй алга болсон юм. Тэд энэ долоо хоногийн эхээр хэт даврагчидтай хуримаа хийж, исламын шашинтай болсон хэмээн Кадиза Султана фэйсбүүк хуудсаараа дамжуулан мэдэгдсэн билээ.

Хэт даврагч Амира Абасе твиттертээ “Бид халдлага үйлдэхээр төлөвлөж байгаа. Биднийг хайх хэрэггүй. Хайсан тохиолдолд гэмгүй хүмүүс амиа алдах болно” гэж жиргэжээ. Тэд хэзээ, хаана халдлага үйлдэх нь тодорхойгүй байгаа ч тагнуулчдын мэдээгээр “Охид саяхан хэт даврагчдын хяналтад орсон Сирийн Рамади хотноо амьдарч байгаа” гэсэн юм.

Б.Дэлгэрцэцэг