Өнгөрөгч хоногт зам тээврийн осолд сургуулийн өмнөх насны 3, сургуулийн насны 2 хүүхэд өртжээ. Хүүхэд зам тээврийн осолд өртөх явдал буурахгүй байна. Тун удахгүй ерөнхий боловсролын сургууль, цэцэрлэгийн зуны амралт эхэлнэ.
Амралт эхлэхээр хүүхэд зам тээврийн осолд өртөх, амь нас эрүүл мэндээрээ хохирох явдал нэмэгддэг тул эцэг эхчүүд үр хүүхдэдээ тавих хараа хяналтыг сайжруулах, хүүхдийг харгалзах хүнгүйгээр замын хөдөлгөөнд оролцуулахгүй байх, хэрэв замын хөдөлгөөнд оролцож яваа тохиолдолд асран хамгаалагч нь хүүхдийг хөтлөж буюу тэвэрч оролцох, тээврийн хэрэгслээр тээвэрлэхдээ зориулалтын хамгаалалтын суудал, хамгаалах бүсийг зүүж хөдөлгөөнд оролцохыг Улаанбаатар хотын Замын цагдаагийн газрын мэргэжилтэн Л.Амаржаргал анхаарууллаа.
Мөн хүүхдүүд замын зорчих хэсэгт гар дээрээс худалдаа хийж, замын хөдөлгөөний аюулгүй байдалд саад учруулан өөрсдийн амь нас эрүүл мэндээрээ эрсдэлд оруулж байна. Иймээс тэдгээр хүүхдийн аюулгүй байдал, амь нас эрүүл мэндийг бодож замын зорчих хэсэгт худалдаа хийж байгаа хүүхдүүдээс худалдан авалт хийхгүй байхыг анхаарууллаа.
Б.Хүлэг
| Уншиж байна |